କୋରାପୁଟ: କୋରୋନାରେ ପ୍ରାଣ ହରାଇଥିବା ସାମ୍ବାଦିକଙ୍କୁ ରାଜ୍ୟ ସରକାର ( Government of Odisha)୧୫ ଲକ୍ଷ ଟଙ୍କା ଅନୁକମ୍ପା ଦେବା ନେଇ ଘୋଷଣା କରିଥିଲେ । ଏନେଇ ନିଜ ପ୍ରତିଶୃତି ରକ୍ଷା କରିଛନ୍ତି ରାଜ୍ୟ ସରକାର । ଗତ ମେ ମାସରେ କୋରାପୁଟର ବରିଷ୍ଠ ସାମ୍ବାଦିକ ଡି.ଶଙ୍କର ରାଓ କୋରୋନାରେ ମୃତ୍ୟୁବରଣ କରିଥିବା ବେଳେ ଗତକାଲି ତାଙ୍କ ପରିବାରକୁ ଘୋଷିତ ଅନୁକମ୍ପା ରାଶି ପ୍ରଦାନ କରାଯାଇଛି ।
ଏହିପରି ଅନୁକମ୍ପା ରାଶି ପାଇବା କୋରାପୁଟ ଜିଲ୍ଲାରେ ପ୍ରଥମ ଘଟଣା ହୋଇଥିବା ବେଳେ ଗତକାଲି ସ୍ବର୍ଗତ ରାଓଙ୍କ ପତ୍ନୀ ପ୍ରଭାବତୀଙ୍କ ନାମରେ ଆସିଥିବା 15 ଲକ୍ଷ ଟଙ୍କାର ଏକ ଚେକ ଜିଲ୍ଲାପାଳ ଅବଦଲ ଅକ୍ତର ପରିବାର ବର୍ଗଙ୍କୁ ହସ୍ତାନ୍ତର କରିଛନ୍ତି । କୋରୋନାରେ ମୃତ୍ୟୁବରଣ କରିଥିବା ସାମ୍ବାଦିକଙ୍କ ପରିବାରକୁ 15 ଲକ୍ଷ ଟଙ୍କାର ଅନୁକମ୍ପା ରାଶି ପ୍ରଦାନ କରାଯିବ ବୋଲି ଘୋଷଣା କରିଥିବା ଓଡିଶା ସରକାର ନିଜ ପ୍ରତିଶ୍ରୁତି ରକ୍ଷା କରିଛନ୍ତି ବୋଲି ସ୍ବର୍ଗତ ରାଓ ଙ୍କ ପୁତ୍ର ଶ୍ରୀନିବାସ ବ୍ୟକ୍ତ କରିଛନ୍ତି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
