କୋରାପୁଟ: ଡିସେମ୍ବର ୨ ତାରିଖରୁ କୋରାପୁଟ ଜିଲ୍ଲାରେ ସ୍ବତନ୍ତ୍ର ସଶକ୍ତ ମିଶନ ଇନ୍ଦ୍ରଧନୁଷ-୨ ର କାର୍ଯ୍ୟକ୍ରମ ଶୁଭାରମ୍ଭ କରାଯିବ । ଏ ସଂକ୍ରାନ୍ତରେ ଜିଲ୍ଲା ଚିକିତ୍ସାଧିକାରୀଙ୍କ ସଭାଗୃହରେ ଆୟୋଜିତ ସାମ୍ବାଦିକ ସମ୍ମିଳନୀରେ ଭାରପ୍ରାପ୍ତ ଜିଲ୍ଲା ଚିକିତ୍ସାଧିକାରୀ ଅରୁଣ ପାଢି ସୂଚନା ଦେଇଛନ୍ତି ।
କୋରାପୁଟ ଜିଲ୍ଲାରେ ସ୍ବତନ୍ତ୍ର ସଶକ୍ତ ମିଶନ ଇନ୍ଦ୍ରଧନୁଷ ଟୀକାକରଣ କାର୍ଯ୍ୟକ୍ରମ ଦ୍ବାରା ଶିଶୁକୁ ୧୧ ଟି ପ୍ରାଣଘାତି ରୋଗରୁ ରକ୍ଷା କରାଯାଇପାରିବ । ସରକାରଙ୍କ ସମ୍ପୂର୍ଣ୍ଣ ଟୀକାକରଣ ଯୋଜନା ମାଧ୍ୟମରେ ଟୀକାକରଣ କେନ୍ଦ୍ରରେ ଏହି ସମସ୍ତ ଟୀକା ମାଗଣାରେ ପିଲାଙ୍କୁ ଦିଆଯାଉଛି । ଏହି ଟୀକାକରଣ କାର୍ଯ୍ୟକ୍ରମ ଆସନ୍ତା ଡିସେମ୍ବର ୨ ତାରିଖରୁ ଆରମ୍ଭ ହେବ । ଏହା ପରବର୍ତ୍ତି ତିନିମାସ ଧରି ପ୍ରତି ମାସର ପ୍ରଥମ ସପ୍ତାହରେ ସାତଦିନ ଧରି ତାଲିମପ୍ରାପ୍ତ ଏଏନଏମଙ୍କ ଦ୍ଵାରା ପ୍ରଦାନ କରାଯିବ । ଏହି ପ୍ରକ୍ରିୟାରେ ବର୍ତ୍ତମାନ ପର୍ଯ୍ୟନ୍ତ ଟୀକାକରଣ ହୋଇପାରିନଥିବା ୩୪୫୪ ଶିଶୁ ତଥା ୧୦୫୭ ଗର୍ଭବତୀ ମହିଳାଙ୍କ ପାଖରେ ଟୀକା ପହଞ୍ଚାଇଦିଆଯିବ ।
କୋରାପୁଟରୁ ସି ଏଚ ଶାନ୍ତାକାର, ଇଟିଭି ଭାରତ
