ଖୋର୍ଦ୍ଧା: ମଙ୍ଗଳବାର ଖୋର୍ଦ୍ଧା ବ୍ଲକ ହଳଦୀପଦା ଗ୍ରାମର ଏକ କୂଅରୁ ବାରହାକୁ ବନବିଭାଗ ଉଦ୍ଧାର କରିଛି । ତେବେ ଖାଦ୍ୟ ଅନ୍ବେଷଣରେ ଆସି ବାରହାଟି କୂଅରେ ଖସି ପଡିଥିବା ସନ୍ଦେହ କରାଯାଇଛି ।
କୂଅରେ ପଡିଥିବା ବାରହାକୁ ଉଦ୍ଧାର କଲା ବନବିଭାଗ
ଗତ କିଛି ଦିନ ହେବ ଖୋର୍ଦ୍ଧା ଓ ଏହାର ଆଖପାଖ ଅଞ୍ଚଳରେ ବାରହା ଆତଙ୍କ ଦେଖିବାକୁ ମିଳିଥିଲା । ବାରହାମାନେ ଖାଦ୍ୟ ଅନ୍ବେଷଣରେ ଆସି ବ୍ୟାପକ ଫସଲ ନଷ୍ଟ କରୁଥିଲେ । ତେବେ ସୋମବାର ବିଳମ୍ବିତ ରାତ୍ରିରେ ହଳଦୀପଦା ଗ୍ରାମର ବିରଞ୍ଚି ନାରାୟଣ ରାଉତରାୟଙ୍କ ଘର ପଛ ପାର୍ଶ୍ବରେ ଥିବା ଏକ କୂଅରେ ପଡିଯାଇଥିଲା ।
ଏ ସଂପର୍କରେ ଖବର ପାଇ ସ୍ଥାନୀୟ ବନବିଭାଗ ଓ ଦମକଳ ବାହିନୀ ପହଞ୍ଚି ବାରାହାକୁ ଉଦ୍ଧାର କରିବା ସହିତ ନିକଟସ୍ଥ ଜଙ୍ଗଲରେ ଛାଡି ଦେଇଥିବା ଜଣାପଡିଛି । ତେବେ ବାରହାଟି ଖାଦ୍ୟ ଅନ୍ବେଷଣରେ ଆସିଥିବା ସମୟରେ ଅନ୍ଧାର ଯୋଗୁଁ କୂଅରେ ପଡିଯାଇଥିବା ବନବିଭାଗ ସନ୍ଦେହ କରିଛି ।
ଖୋର୍ଦ୍ଧାରୁ ଗୋବିନ୍ଦ୍ର ଚନ୍ଦ୍ର ପଣ୍ଡା, ଇଟିଭି ଭାରତ
