ପୁଣି ମୁଣ୍ଡ ଟେକିଲା ସାରୁଅ ଜମି କେଳେଙ୍କାରୀ, ଜିଲ୍ଲାପାଳଙ୍କୁ ଫେରାଦ ହେଲେ ସ୍ଥାନୀୟବାସିନ୍ଦା

କିଛି ଦିନର ନୀରବତା ପରେ ପୁଣି ମୁଣ୍ଡ ଟେକିଲା ସାରୁଅ ଜମି ବିବାଦ । ଏ ନେଇ ଲୋକେ ଜିଲ୍ଲାପାଳଙ୍କ ନିକଟରେ ଫେରାଦ ହୋଇଛନ୍ତି । ଅଧିକ ପଢନ୍ତୁ

ଖୋର୍ଦ୍ଧା: କିଛି ଦିନର ନୀରବତା ପରେ ପୁଣି ମୁଣ୍ଡ ଟେକିଛି ସାରୁଅ ଠାରେ ଥିବା ତରଙ୍ଗ ଷ୍ଟୁଡିଓ ଜମି ବିବାଦ(Sarua Land Scam) । ଏ ସମ୍ପର୍କରେ ବାରମ୍ବାର ପ୍ରଶାସନର ଦ୍ବାରସ୍ଥ ହୋଇ ବିଫଳ ହେବାପରେ ଶତାଧିକ ଲୋକେ ସରପଞ୍ଚଙ୍କ ନେତୃତ୍ବରେ ଜିଲ୍ଲାପାଳଙ୍କ ଅଫିସ ଘେରିଛନ୍ତି । ସାରୁଅ ଶିଳ୍ପାଞ୍ଚଳ ମଧ୍ୟରେ ଘରୋଇ ଷ୍ଟୁଡିଓ ଦୀର୍ଘ ଦିନ ଧରି ଗଢିଉଠିଛି । ତା ଭିତରେ ସ୍ଥାନୀୟ ଲୋକଙ୍କର କିଛି ଜମି ରହିଛି । ଆଉ ସେହି ଜମିକୁ ଯିବା ପାଇଁ ଷ୍ଟୁଡିଓ ରାସ୍ତା ଦେଉନଥିବାରୁ ଉଠିଛି ବିବାଦ ।

ଏ ସମ୍ପର୍କରେ ବାରମ୍ବାର ପ୍ରଶାସନର ଦ୍ବାରସ୍ଥ ହୋଇ ବିଫଳ ହେବାପରେ ଶତାଧିକ ଲୋକେ ସରପଞ୍ଚଙ୍କ ନେତୃତ୍ବରେ ଜିଲ୍ଲାପାଳଙ୍କ ଅଫିସ ଘେରିଛନ୍ତି । ଏକ ପ୍ରତିନିଧି ଟିମ ଜିଲ୍ଲାପାଳଙ୍କ ଅନୁପସ୍ଥିତିରେ ଅତିରିକ୍ତ ଜିଲ୍ଲାପାଳ ମନୋଜ ପାଢୀଙ୍କୁ ଭେଟି ଦାବିପତ୍ର ଦେଇଛନ୍ତି । ଏପଟେ ଘଟଣାର ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଅତିରିକ୍ତ ଜିଲ୍ଲାପାଳ ସୂଚନା ଦେଇଛନ୍ତି ।

ଇଟିଭି ଭାରତ, ଖୋର୍ଦ୍ଧା