ଆନନ୍ଦପୁର: ଗାଁରେ ଦେଖିବାକୁ ମିଳିଛି ଆଶ୍ଚର୍ଯ୍ୟଜନକ ଦୃଶ୍ୟ । ମୋବାଇଲ ଚୋରକୁ ଧରିବାକୁ ବୁଲୁଛି ବେଞ୍ଚ । ଯେଉଁ ଆଡେ ଚାହୁଁଛି ସେହି ଦିଗରେଟାଣି ନେଉଛି । ଯେ କୌଣସି ଲୋକ ଘରେ ପଶି ନିରୀହ ଲୋକଙ୍କୁ ଚୋର ସଜେଇ ଦେଉଛି ।
ଗାଁରେ ବୁଲୁଛି ବେଞ୍ଚ, ଧରିବ ଚୋର
ତେବେ ଗାଁ ଲୋକ ମଧ୍ୟ ଉତ୍ସାହର ସହ ବେଞ୍ଚ ସାଙ୍ଗରେ ବୁଲି ହୁଳହୁଳି ପକାଉଛନ୍ତି । ସୂଚନା ଅନୁସାରେ, କେନ୍ଦୁଝର ଜିଲ୍ଲା ରାମଚନ୍ଦ୍ରପୁର ଥାନା ଜଳସୁଆଁ ଗାଁରେ ନିତ୍ୟାନନ୍ଦ ମାଝୀଙ୍କ ପୁଅର ମୋବାଇଲ ଫୋନ ତିନି ଦିନ ତଳେ ଚୋରି ହୋଇଥିଲା । ଅନେକ ଖୋଜାଖୋଜି ପରେ ମୋବାଇଲ ନ ମିଳିବାରୁ ସ୍ଥିର ହେଲା ଗୁଣିଆ ଡକାଯିବ ।
ଅନ୍ୟପଟେ ଗୁଣିଆ ଆସିବା ପରେ ଆଜି ସକାଳୁ ଚାଲିଲା ପ୍ରସ୍ତୁତି । ପୂଜା କରାଯାଇ ବେଞ୍ଚକୁ ଧରି ଗାଁର ୪ଜଣ ପିଲା ବୁଲିଲେ ଗାଁ ସାରା । ତେବେ ଶେଷରେ ଦୁଇ ତିନୋଟି ଘର ନିକଟକୁ ଯାଇଥିଲା ବେଞ୍ଚ ।
ଅନାନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
