ଫୁଲବାଣୀ: ଆଦିବାସୀ କର୍ମଚାରୀ କଲ୍ୟାଣ ସଂଘ ଓ ଅନ୍ୟ କିଛି ସମାଜସେବୀ ଗାଁ ଗାଁରେ କୋରୋନା ସଚେତନତା କରୁଛନ୍ତି। ଲୋକଙ୍କୁ ମାଗଣାରେ ମାସ୍କ ବଣ୍ଟନ କରିବା ସହିତ ସଚେତନ କରିଛନ୍ତି କୋରୋନା ମହାମାରୀ ସମ୍ପର୍କରେ ।
କୋରୋନା ସଚେତନ ସହ ମାଗଣା ମାସ୍କ ବାଣ୍ଟୁଛନ୍ତି ସମାଜସେବୀ
କନ୍ଧମାଳ ଜିଲ୍ଲାର ପ୍ରମୁଖ ସଂଗଠନ ଜିଲ୍ଲା ଆଦିବାସୀ କର୍ମଚାରୀ କଲ୍ୟାଣ ସଂଘର କର୍ମକର୍ତ୍ତା ମାନେ କୋରୋନା ଲଢେଇରେ ଆଗକୁ ଆସିଛନ୍ତି । ଲୋକଙ୍କୁ ସଚେତନ କରିବା ସହିତ ମାଗଣାରେ ମାସ୍କ ବାଣ୍ଟିଛନ୍ତି । ଜିଲ୍ଲାର ଆଲାମୀ, ତୁଡ଼ିପାଯୁ ପଞ୍ଚାୟତ ସହିତ ସଦର ବ୍ଲକର ଗାଁ ଗଣ୍ଡାରେ ମାସ୍କ ବାଣ୍ଟିବା ସହିତ କୋରୋନା ମହାମାରୀ ସମ୍ପର୍କରେ ଲୋକଙ୍କୁ ସଚେତନ କରୁଛନ୍ତି । ମାସ୍କ ପିନ୍ଧିବା, ସାମାଜିକ ଦୂରତା ରଖିବା, ହାତ ଧୋଇବା ସହିତ ଏହି ମହାମାରୀ ପାଇଁ ଔଷଧ ନ ଥିବା ବୁଝାଉଛନ୍ତି ଲୋକଙ୍କୁ ।
ସେପଟେ ଜିଲ୍ଲା ବିଜେପିର ନେତା ସତ୍ୟ ବେହେରା ଓ ଅନ୍ୟ କିଛି ସମାଜସେବୀ ମଧ୍ୟ ସେମାନଙ୍କ ସହିତ ସଚେତନ କରୁଛନ୍ତି ଲୋକଙ୍କୁ ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
