ଫୁଲବାଣୀ: ଜିଲ୍ଲା ମହୋତ୍ସବ ପାଇଁ ଆରମ୍ଭ ହୋଇଛି ଅନେକ କାର୍ଯ୍ୟକ୍ରମ । ବିଭିନ୍ନ ପ୍ରତିଯୋଗିତା ମାଧ୍ୟମରେ ଲୋକଙ୍କୁ ସାମିଲ କରାଯାଉଛି । ଅନ୍ୟପଟେ ପ୍ରତିଯୋଗିତାଗୁଡିକରେ ଅନେକ ଅନିୟମିତତା ହେଉଥିବାର ଅଭିଯୋଗ କରାଯାଇଛି । ମହୋତ୍ସବ ଆୟୋଜନରେ ସାମିଲ ଅନେକ ସଭ୍ୟାଙ୍କ ମନମାନି ଓ ପକ୍ଷପାତିତାକୁ ନେଇ ଅସନ୍ତୁଷ୍ଟ ସ୍ଥାନୀୟ ଲୋକେ ଜିଲ୍ଲାପାଳଙ୍କୁ ଭେଟି ଅଭିଯୋଗ କରିଛନ୍ତି ।
ପ୍ରତିଯୋଗିତାରେ ବୟସକୁ ନେଇ ପରିବର୍ତ୍ତନ ବିଚାରରେ ଭୁଲ ଓ ପକ୍ଷପାତିତା ପ୍ରଭୃତି ମଧ୍ୟ ଅଭିଯୋଗ କରିଛନ୍ତି । ଆଉ ଏନେଇ ମହିଳା ଓ ଛାତ୍ରଛାତ୍ରୀ ଜିଲ୍ଲାପାଳଙ୍କୁ ଭେଟି ଅଭିଯୋଗ କରିବା ପରେ ତଦନ୍ତ ଆରମ୍ଭ ହୋଇଛି । ସେପଟେ, ଜିଲ୍ଲାରେ ହେଉଥିବା ପ୍ରତିଯୋଗିତାକୁ ଅଧିକ ବ୍ୟାପକ କରିବା ସହ ନିୟମ ଅନୁସାରେ ସମସ୍ତ କାମ କରିବାକୁ ଦାବି କରାଯାଇଥିବାବେଳେ ଜିଲ୍ଲାପାଳ ଡ.ବୃନ୍ଦା ଡି ଏନେଇ କମିଟିର ସଦସ୍ୟ ଓ ଅଧିକାରୀଙ୍କୁ ଡାକି ତାଗିଦ କରିଛନ୍ତି ।
ଘରେ ପଶୁ ପଶୁ ମୁଣ୍ଡରେ ବାଜୁଛି ଚାଳ ନ୍ୟାୟରେ ଆରମ୍ଭରୁ ମହୋତ୍ସବ ପରି ଏକ ସାଂସ୍କୃତିକ ମହାକୁମ୍ଭରେ ଅନିୟମିତତାକୁ ନେଇ ଜିଲ୍ଲାରେ ଅସନ୍ତୋଷ ଦାନା ବାନ୍ଧୁଛି।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ