କଳାହାଣ୍ଡି: ଜେଲ୍ ଭିତରେ ବିଚାରାଧୀନ କଏଦୀର ଅତ୍ମହତ୍ୟା ଉଦ୍ୟମ । ନିଜ ଗୁପ୍ତାଙ୍ଗକୁ ଏକ ବ୍ଲେଡ୍ ସାହାଯ୍ୟରେ କାଟିଛି କଏଦୀ । ଧର୍ମଗଡ ସବ୍ଜେଲରେ ଘଟିଛି ଏଭଳି ଅଭାବନୀୟ ଘଟଣା । ରକ୍ତ ଜୁଡୁବୁଡୁ ଅବସ୍ଥାରେ କଏଦୀ ଦିଗାମ୍ବର ଖମାରୀଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ।
ପ୍ରକାଶ ଯେ, ଧର୍ମଗଡ ଥାନା ଅନ୍ତର୍ଗତ ଦିଗାମ୍ବର ଖମାରୀ ଯୌତୁକ ଜନିତ ମାମଲାରେ ଗିରଫ ହୋଇ ଧର୍ମଗଡ୍ ସବ୍ଜେଲରେ ରହିଥିଲେ । ତାଙ୍କୁ ଜାମିନ ମିଳି ସରିଥିଲା ବେଳେ କେହି ଜାମିନଦାର ନ ଥିବାରୁ ସେ ଜେଲରୁ ମୁକୁଳି ପାରି ନାହାଁନ୍ତି ।
ରବିବାର ଦିନ ଜେଲ୍ରେ ଦାଢ଼ି କାଟିବା ପାଇଁ ସମସ୍ତ କଏଦୀଙ୍କୁ ବ୍ଲେଡ୍ ଦିଆଯାଇଥିଲା । ସେହି ବ୍ଲେଡ଼ରେ ନିଜ ଗୁପ୍ତାଙ୍ଗକୁ କାଟି ଦେଇଥିଲେ ଦିଗାମ୍ବର । ଗୁରୁତର ହେବାରୁ ତାଙ୍କୁ ଧର୍ମଗଡ ସବ୍ଡିଭିଜିନାଲ ଡାକ୍ତରଖାନାରେ ଜେଲ୍ କର୍ମଚାରୀ ଭର୍ତ୍ତି କରିଥିଲେ ।
କଳାହାଣ୍ଡିରୁ ଅଜିତ ସିଂହ, ଇଟିଭି ଭାରତ