ଜଗତସିଂହପୁର: ଜଗନ୍ନାଥ ମନ୍ଦିରକୁ ନେଇ AIMlM ମୁଖ୍ୟଙ୍କ ଅସାଦୁଦ୍ଦିନ ଓବେସୀଙ୍କ ବିରୁଦ୍ଧରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । ଏହି ବିବାଦୀୟ ମନ୍ତବ୍ୟ ପରେ ସୋମବାର ବିଶ୍ଵହିନ୍ଦୁ ପରିଷଦ ପକ୍ଷରୁ ଜଗତସିଂହପୁର ଥାନାରେ ଏତଲା ରୁୁଜୁ କରାଯାଇଛି । ଶ୍ରୀଜଗନ୍ନାଥଙ୍କ ମନ୍ଦିର ବୁଦ୍ଧଦେବଙ୍କ ସୌଧ ଉପରେ ନିର୍ମିତ ହୋଇଥିବା ନେଇ ବିବାଦୀୟ ମନ୍ତବ୍ୟ ଦେଇଥିଲେ ଓବେସୀ ।
ଏହାର ଏକ ଭିଡିଓ ଭାଇରାଲ ହୋଇଥିଲା । ଏହାକୁ ସାରା ରାଜ୍ୟରେ ତୀବ୍ର ପ୍ରତିକ୍ରିୟା ପ୍ରକାଶ ପାଇବା ସହିତ ଓବେସୀଙ୍କ ଗିରଫ ଦାବି କରାଯାଇଛି । ଶ୍ରୀଜଗନ୍ନାଥ ମନ୍ଦିର ଉପରେ କୌଣସି ଜ୍ଞାନ ନଥିବା ତଥା ଉପଯୁକ୍ତ ତଥ୍ୟ ନଦେଇ ଯେଭଳି ଓବେସୀ ଜଗନ୍ନାଥ ମନ୍ଦିର ନିର୍ମାଣ ଉପରେ ବିବାଦୀୟ ଟିପ୍ପଣୀ ରଖିଛନ୍ତି, ତାହା କୋଟି କୋଟି ଜଗନ୍ନାଥପ୍ରେମୀଙ୍କୁ ଆଘାତ ଦେଇଛି ।
ଓବେସୀଙ୍କ ଦାୟିତ୍ବହୀନ ମନ୍ତବ୍ୟ ଦେଶରେ ବିଭିନ୍ନ ଧର୍ମ ଭିତରେ ଉତ୍ତେଜନା ସୃଷ୍ଟି କରିବ । ଜଣେ ସାଂସଦ ହୋଇ ଉପଯୁକ୍ତ ତଥ୍ୟ ନଦେଇ ଯେଭଳି ସାମ୍ପ୍ରଦାୟିକ ଦଙ୍ଗା ସୃଷ୍ଟି କରିବା ପାଇଁ ଉଦ୍ୟମ କରିଛନ୍ତି, ତାହା ଅତ୍ୟନ୍ତ ବିପଜ୍ଜନକ ବୋଲି ମତ ପ୍ରକାଶ ପାଇଛି । ଓବେସୀଙ୍କୁ ଗିରଫ ନକଲେ ଅଗାମୀ ଦିନରେ ତୀବ୍ର ଆନ୍ଦୋଳନ କରିବାକୁ ଚେତାବନୀ ଦିଆଯାଇଛି ।
ଇଟିଭି ଭାରତ, ଜଗତସିଂହପୁର
