ଜଗତସିଂହପୁର: ତିର୍ତ୍ତୋଲ ଉପନିର୍ବାଚନ ପାଇଁ ଜିଲ୍ଲାରେ ରାଜନୀତି ସରଗରମ ହୋଇ ଉଠିଛି । ବିଜେପି ପ୍ରାର୍ଥୀଙ୍କ ପ୍ରଚାର ପାଇଁ ମଇଦାନକୁ ଓହ୍ଲାଇଛନ୍ତି କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଶଙ୍ଖେଶ୍ବର ଠାରୁ ରୋଡଶୋରେ ସେ ବିଭିନ୍ନ ଅଞ୍ଚଳ ବୁଲି ପ୍ରଚାର କରିଥିବା ଜଣାପଡିଛି ।
ରାଜ୍ୟରେ ଏକ ସ୍ବେଚ୍ଛାଚାରୀ ଶାସନ ଚାଲୁଛି । ଆସନ୍ତା ନଭେମ୍ବର 3 ତାରିଖରେ ତିର୍ତ୍ତୋଲ ଓ ବାଲେଶ୍ବରବାସୀ ଭୋଟ ଯୋଗେ ଏହାର ଜବାବ ରଖିବେ ବୋଲି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଶୁକ୍ରବାର ପ୍ରଚାର ସମୟରେ କହିଛନ୍ତି । ଶଙ୍ଖେଶ୍ବର ଠାରୁ ରୋଡ଼ ସୋ କରାଯାଇ ଚାରିତୋଳ, ତିର୍ତ୍ତୋଲ, ଜୟପୁର, କନକପୁର, ବିରିଡି, ବାଲିଆ ଆଦି ଅଂଚଳ ପରିକ୍ରମା କରାଯାଇଥିଲା।
ତେବେ ମନ୍ତ୍ରୀଙ୍କୁ ପାଛୋଟି ନେବା ସହିତ ସମ୍ବର୍ଦ୍ଧିତ କରିବା ଲାଗି ବିଜେପିର ହଜାର ହଜାର କର୍ମୀ ଯୋଗ ଦେଇଥିଲେ । ତେବେ ମୋଦିଙ୍କ ବିକାଶ ଘରେ ଘରେ ପହଞ୍ଚିଲାଣି ବୋଲି ଲୋକେ ଜାଣିସାରିଲେଣି । ଏଣୁ ନିଶ୍ଚିତ ଭାବରେ ଲୋକେ ବିଜେପି ପ୍ରାର୍ଥୀଙ୍କୁ ଭୋଟ ଦେବେ ଏଥିରେ ସନ୍ଦେହ ନଥିବା ମନ୍ତ୍ରୀ କହିଛନ୍ତି ।
ତେବେ ଜଗତସିଂହପୁରରୁ ବିଜେପି ପ୍ରାର୍ଥୀ ଭାବେ ରାଜକିଶୋର ବେହେରା ଲଢୁଥିବା ବେଳେ ବିଜେଡିରୁ ସ୍ବର୍ଗତ ବିଷ୍ଣୁ ଦାସଙ୍କ ପୁଅ ବିଜୟ ଶଙ୍କର ଦାସ ନିର୍ବାଚନ ଲଢୁଛନ୍ତି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
