ପାରାଦ୍ବୀପ: ଭାରତ ଜଳ ସୀମା ମଧ୍ୟରେ ଭାସୁଥିବା ବାଂଲାଦେଶର 20 ଜଣ ମତ୍ସ୍ୟଜୀବୀଙ୍କୁ ବାଂଲାଦେଶ ତଟରକ୍ଷୀ ବାହିନୀଙ୍କୁ ହସ୍ତାନ୍ତର କଲା ତଟରକ୍ଷୀ ବାହିନୀ । ଏମାନେ ବାଟବଣା ହୋଇ ଭାରତୀୟ ସମୁଦ୍ର ମଧ୍ୟରେ ଫସି ରହିଥିଲେ । ଗତ ଡିସେମ୍ବର 26 ରେ ଭାରତୀୟ ତଟରକ୍ଷୀ 20 ଜଣଙ୍କୁ ଉଦ୍ଧାର କରିଥିଲେ ।
ସୂଚନା ଅନୁଯାୟୀ, ବାଂଲାଦେଶର 20 ଜଣ ମତ୍ସ୍ୟଜୀବୀ ମାଛ ମାରିବାକୁ ଗଭୀର ସମୁଦ୍ରକୁ ଆସିଥିଲେ । ଏହିସମୟରେ ସେମାନଙ୍କ ବୋଟ ଖରାପ ହୋଇ ଯାଇଥିଲା । ସେମାନେ ଭୋକ ଉପାସରେ ଗଭୀର ସମୁଦ୍ରରେ ଭାସୁଥିବା ସମୟରେ ତାଙ୍କୁ ପାରାଦ୍ୱୀପରୁ ମାଛ ମାରିବା ପାଇଁ ଯାଇଥିବା ଭାରତୀୟ ମତ୍ସ୍ୟଜୀବୀମାନେ ଉଦ୍ଧାର କରି ପାରାଦ୍ୱୀପ ମେରାଇନ ପୋଲିସକୁ ହସ୍ତାନ୍ତର କରିଥିଲେ । ପାରାଦ୍ୱୀପ ପୋଲିସ ସେମାନଙ୍କ ଖାଇବା ଓ ରହିବା ବ୍ୟବସ୍ଥା କରିବା ସହ ଭାରତୀୟ ତଟରକ୍ଷୀ ବାହିନୀଙ୍କୁ ହସ୍ତାନ୍ତର କରିଥିଲେ ।
ଏହା ମଧ୍ୟ ପଢନ୍ତୁ:- ୧୫ ଦିନ ମଝି ଦରିଆରେ ବାଂଲାଦେଶୀ ମାଛଧରାଳୀ, ଉଦ୍ଧାର କଲେ ଓଡିଶା ମତ୍ସ୍ୟଜୀବୀ
ଆଜି(ରବିବାର) ଭାରତୀୟ ତଟରକ୍ଷୀ ବାହିନୀ ସେମାନଙ୍କୁ ନିରାପଦ ଭାବେ ବାଂଲାଦେଶ ତଟରଖି ବାହିନୀଙ୍କୁ ହସ୍ତାନ୍ତର କରିଛନ୍ତି ।ଯାହାକୁ ନେଇ ବାଂଲାଦେଶ ତଟରକ୍ଷୀ ବାହିନୀ ପକ୍ଷରୁ ଭାରତୀୟ ତଟରକ୍ଷୀ ବାହିନୀ ଓ ଉଦ୍ଧାର କରିଥିବା ମତ୍ସ୍ୟଜୀବୀମାନଙ୍କ ଠାରେ କୃତଜ୍ଞତା ଜଣାଇଛନ୍ତି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
