ଜଗତସିଂହପୁର: ବୋଲେରୋ ଧକ୍କାରେ ଯୁବକ ମୃତ । ଜଗତସିଂହପୁର ଜିଲ୍ଲା ବିରିଡ଼ି ଥାନା ଅନ୍ତର୍ଗତ ଅଣଖିଆ ବଜାରରେ ଘଟିଛି ଏହି ଦୁର୍ଘଟଣା । ମୃତ ଯୁବକ ଜଣକ ହେଉଛନ୍ତି ତରୀକୁନ୍ଦ ଗ୍ରାମର ସୁନାକର ସିଂଙ୍କ ପୁଅ ସୁକାନ୍ତ ସିଂ।
ସୂଚନା ମୁତାବକ, ମୃତ ସୁକାନ୍ତ ଜଣେ ଦିନ ମଜୁରିଆ ଭାବେ କାମ କରନ୍ତି । ତେବେ ଗତକାଲି(ଶନିବାର) ବିଳମ୍ବିତ ରାତିରେ ଫେରୁଥିବା ସମୟରେ ଏକ ବୋଲେରୋ ସୁକାନ୍ତକୁ ଧକ୍କା ଦେଇଥିଲା । ଫଳରେ ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଛି । ପରେ ଖବର ପାଇ ପରିବାର ଲୋକେ ସୁକାନ୍ତଙ୍କୁ ଜଗତସିଂହପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ଆଣିଥିଲେ କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
