ଜଗତସିଂହପୁର: ‘ଇଟିଭି ଭାରତ’ର ମହାପ୍ରଭାବ । ଘରକୁ ଫେରିଲା ନିଖୋଜ ନାବାଳକ । ଦୀର୍ଘ ମାସେ ଧରି ନିଖୋଜ ହୋଇଥିବା ଗଣେଶ ପାତ୍ର ଘରକୁ ଫେରିଛନ୍ତି । ଯାହାକୁ ନେଇ ପରିବାରରେ ଖେଳି ଯାଇଛି ଖୁସିର ଲହରି ।
ପୁରା ଘଟଣା ଏମିତି,ଜଗତସିଂହପୁର ଉପକଣ୍ଠ କେନ୍ଦାଳ ଗାଁରେ ରୁହନ୍ତି ସମରେନ୍ଦ୍ର ପାତ୍ର । ଗରିବ ଶ୍ରେଣୀର ଲୋକ ହୋଇଥିବାରୁ ନିଜ 12 ବର୍ଷିୟ ପୁଅ ଗଣେଶ ପାତ୍ରଙ୍କୁ ଶିଶୁ ଆଶ୍ରମରେ ରଖିଥିଲେ । ହେଲେ ଗତ ସେପ୍ଟେମ୍ବର 1ତାରିଖରୁ ଗଣେଶ ଆଶ୍ରମରୁ କେଉଁ ଆଡେ ଚାଲିଯାଇଥିଲେ ।
ବହୁ ଖୋଜାଖୋଜି ପରେ ମଧ୍ୟ ତାଙ୍କର କୌଣସି ପତ୍ତା ମିଳି ନଥିଲା । ଏପଟେ ଆଶ୍ରମ କର୍ତ୍ତୃପକ୍ଷ ପୋଲିସ ନିକଟରେ ଅଭିଯୋଗ କରିଥିଲେ । କିନ୍ତୁ ପୋଲିସ ସେମାନଙ୍କ ଅଭିଯୋଗ ରଖିନଥିଲା । ଏନେଇ ଆମେ ଖବର ପ୍ରସାରଣ କରିବା ପରେ ପୋଲିସ ମାମଲାକୁ ଗୁରୁତ୍ବର ସହ ନେଇଥିଲା ।
ନାବାଳକଟିକୁ ବେଣୁଧର ସାମଲ ନାମକଙ୍କ ନିକଟରୁ ଉଦ୍ଧାର କରାଯାଇଛି । ଉଦ୍ଧାର ପରେ ତାଙ୍କୁ ପରିବାରକୁ ହସ୍ତାନ୍ତର କରିଛି ପୋଲିସ । ଯାହାକୁ ନେଇ ପରିବାରରେ ଖୁସିର ଲହରି ଖେଳି ଯାଇଛି ।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
