ଜଗତସିଂହପୁର: ଶେଷରେ ଖାଇଗଲେ ହରିଶଚନ୍ଦ୍ର ଯୋଜନା ଟଙ୍କା । ଜୀବିତ ଲୋକଙ୍କୁ ମୃତ ଦର୍ଶାଇ ହରିଶ୍ଚନ୍ଦ୍ର ଯୋଜନାରେ ଘୋଟଲା ହୋଇଥିବା ଅଭିଯୋଗ ହୋଇଛି । ଖାଲି ସେତିକି ନୁହେଁ ଯୋଜନାରେ ମୃତ ଲୋକଙ୍କ ଟଙ୍କାରେ ବି ଘୋଟାଲା ହୋଇଛି । ଏପରି ଅଭିଯୋଗ ହୋଇଛି ଜଗତସିଂହପୁର ଜିଲ୍ଲା ବାଲିକୁଦା ବ୍ଲକ ଅପଣ୍ଡରା ପଞ୍ଚାୟତରେ ।
ସୂଚନାଅନୁସାରେ, ଗାଁର ସୁକୁଟି ସ୍ବାଇଁ ନାମକ ଜଣେ ମହିଳାଙ୍କ ତିନିବର୍ଷ ତଳେ ମୃତ୍ୟୁ ହୋଇଥିଲା । ଏ ପର୍ଯ୍ୟନ୍ତ ତାଙ୍କୁ ହରିଶ୍ଚନ୍ଦ୍ର ଯୋଜନାରେ ଟଙ୍କାଟିଏ ବି ମିଳିନାହିଁ । ତାଙ୍କ ନାମରେ ଯୋଜନାରେ କିଏ ଅର୍ଥ ଉଠାଇ ନେଇଥିବା ଅଭିଯୋଗ ହୋଇଛି । ଖାଲି ସେତିକି ନୁହେଁ ଗାଁର ବନ୍ଧୁ ସାହୁ ନାମକ ଜଣେ ବ୍ୟକ୍ତି ଜୀବିତ ଥିବାବେଳେ ତାଙ୍କୁ ମୃତ ଦେଖାଇ ହରିଶ୍ଚନ୍ଦ୍ର ଯୋଜନା ଅର୍ଥ ଲୁଟ ହୋଇଛି । ଏହି ଘଟଣା ଜଣାପଡିବା ପରେ ତଦନ୍ତ ଆରମ୍ଭ ହୋଇଛି ।
ଘଟଣା ନେଇ ସରପଞ୍ଚ କହିଛନ୍ତି ଘୋଟାଲା ହୋଇଛି । ହେଲେ ଲକ୍ଷାଧିକ ଟଙ୍କାର ଘୋଟାଲା ହୋଇଥିବା ଅଭିଯୋଗକୁ ଖଣ୍ଡନ କରିଛନ୍ତି ସରପଞ୍ଚ । କେବଳ ଜଣେ ଏ ନେଇ ତାଙ୍କ ନିକଟରେ ଅଭିଯୋଗ କରିଥିବା କଥା କହିଛନ୍ତି ସରପଞ୍ଚ । ଯଦି ଏପରି ଅଭିଯୋଗ ହୋଇଛି ତୁରନ୍ତ ସମାଧାନ କରାଯିବ ବୋଲି କହିଛନ୍ତି ସରପଞ୍ଚ ଶରତ ଚନ୍ଦ୍ର ସେଠୀ ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
