ବ୍ରହ୍ମପୁର: ପାରିବାରିକ କଳହର କରୁଣ ପରିଣତି । ୬ ବର୍ଷର ଝିଅକୁ ବାଡ଼େଇ ବାଡ଼େଇ ହତ୍ୟା କଲା ସାବତ ମାଆ । ଗଞ୍ଜାମ ଜିଲ୍ଲା ଦିଗପହଣ୍ଡି ଥାନା ତେନ୍ତୁଳିଆ ସାହିରେ ଏଭଳି ଘଟଣା ଘଟିଥିବା ଅଭିଯୋଗ ହୋଇଛି । ମୃତକ ହେଲେ ଛଅ ବର୍ଷର ଶିଶୁକନ୍ୟା ଏ.ତପସ୍ୟା ।
ସୂଚନାଅନୁୟାୟୀ, ଗତ ସାତ ବର୍ଷ ତଳେ ମୃତ ଶିଶୁଙ୍କ ବାପା ଏ.ଦିବାକର କୁକୁଡାଖଣ୍ଡିର କେ.ଶଶୀଙ୍କୁ ବିବାହ କରିଥିଲେ । ହେଲେ ଗତ ତିନି ବର୍ଷ ତଳେ କେ.ଶଶୀଙ୍କ ମୃତ୍ୟୁ ଘଟିଥିବା ବେଳେ ପୁଣି ତଅପୋଇଙ୍କୁ ବିବାହ କରିଥିଲେ । ହେଲେ ଗତକାଲି ରାତିରେ କୈାଣସି ପାରିବାରିକ କଳହ କାରଣରୁ ସାବତ ମାଆ ଶିଶୁକନ୍ୟାକୁ ବାଡ଼େଇ ବାଡ଼େଇ ହତ୍ୟା କରିଥିବା ଅଭିଯୋଗ ହୋଇଛି । ଗତକାଲି ରାତିରେ ଏଭଳି ଘଟଣା ଘଟିଥିବା ବେଳେ କନ୍ୟାଟିର ମୃତ୍ୟୁ ହୋଇଛି ।
ସକାଳୁ ସାବତ ମା ଏବଂ ନିଜ ବାପା ଦୋଷକୁ ଲୁଚାଇବାକୁ ଯାଇ ମୁଣ୍ଡ ଫାଟି ଝିଅ ପ୍ରାଣ ହରାଇଥିବା ବାହାନା କରିଥିଲେ । କିନ୍ତୁ ଗ୍ରାମବାସୀ ମୃତଦେହରେ ମାଡ଼ ଚିହ୍ନ ଦେଖିବାକୁ ପାଇଥିଲେ । ଏହାପରେ ଉଭୟ ବାପା ଓ ସାବତ ମାଙ୍କୁ କାବୁ କରି ପୋଲିସର ଜିମା ଦେଇଥିଲେ । ପୋଲିସ ଉଭୟଙ୍କୁ ଅଟକ ରଖି ତଦନ୍ତ କରୁଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
