କାଜୁ ଜଙ୍ଗଲରୁ ଯୁବକଙ୍କ ମୃତଦେହ ଉଦ୍ଧାର, ପୋଲିସର ତଦନ୍ତ ଜାରି

କାଜୁ ଜଙ୍ଗଲରୁ ଯୁବକଙ୍କ ମୃତଦେହ ଉଦ୍ଧାର । ଗଞ୍ଜାମ ସୋରଡା ଥାନା ପଙ୍କାଳ ଜଙ୍ଗଲରୁ ଉଦ୍ଧାର କଲା ପୋଲିସ ।

ଭଞ୍ଜନଗର: କାଜୁ ଜଙ୍ଗଲରୁ ଯୁବକଙ୍କ ମୃତଦେହ ଉଦ୍ଧାର । ଗଞ୍ଜାମ ସୋରଡା ଥାନା ପଙ୍କାଳ ଜଙ୍ଗଲରୁ ଉଦ୍ଧାର କଲା ପୋଲିସ । ମୃତକ ଜଣଙ୍କ ସୋରଡା ତହସିଲର କର୍ମଚାରୀ ଜୟନ୍ତ କୁମାର ଗୌଡ ବୋଲି ଜଣାପଡିଛନ୍ତି ।

ଜୟନ୍ତ ଦୁଇ ଦିନ ହେବ ଘରୁ ନିଖୋଜ ଥିଲେ । ପରିବାର ଲୋକେ ତାଙ୍କୁ ବହୁତ ଖୋଜାଖୋଜି କରିବା ପରେ ବି ତାଙ୍କର କୌଣସି ସନ୍ଧାନ ପାଇନଥିଲେ । ତେବେ ତାଙ୍କ ମୃତଦେହ କାଜୁ ଜଙ୍ଗଲରୁ ମିଳିବା ପରେ ପୋଲିସ ପଞ୍ଚନାମାକରି ବ୍ୟବଚ୍ଛେଦ ପାଇଁ ପଠାଇଛି । ଏହା ସହ ମୃତ୍ୟୁର କାରଣ ଜାଣିବା ପାଇଁ ତଦନ୍ତ ଆରମ୍ଭ କରିଛି ।

ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ