ଢେଙ୍କାନାଳ: ଜିଲ୍ଲା ବନଖଣ୍ଡସ୍ଥିତ କପିଳାଶ ଅଭୟାରଣ୍ୟରେ ବନ ବିଭାଗର ଚଢାଉ । ଏହି ସମୟରେ ବନ ବିଭାଗ 2 ଜଣ ଶିକାରୀଙ୍କୁ ଗିରଫ କରିଥିବାବେଳେ ସେମାନଙ୍କ ନିକଟରୁ ଅସ୍ତ୍ରଶସ୍ତ୍ର ଜବତ କରିଛି ବନବିଭାଗ ।
ତେବେ ଗିରଫ 2 ଅଭିଯୁକ୍ତଙ୍କ ନିକଟରୁ ଗୋଟିଏ ବନ୍ଧୁକ, ବାଇକ ଓ ୧୦ କେଜି ହରିଣ ମାଂସ ଜବତ କରାଯାଇଛି । ସୂଚନା ଅନୁଯାୟୀ ବିଶେଷ ସୂତ୍ରରୁ ଖବର ପାଇ କପିଳାଶ ବନ କର୍ମଚାରୀମାନେ ଆଜି(ରବିବାର) କପିଳାଶ ଅଭୟାରଣ୍ୟର କମ୍ପାଟମେଣ୍ଟ ୧୦ ଅଞ୍ଚଳରେ ଅଚାନକ ଚଢ଼ାଉ କରିଥିଲେ । ଏହି ଚଢ଼ାଉବେଳେ ହରିଣ ଶିକାର କରି ମାଂସ କାଟି ବିକ୍ରି କରିବାକୁ ନେଉଥିବା ଦୁଇ ଜଣ ଶିକାରୀଙ୍କୁ ଗିରଫ କରିଛି ବନ ବିଭାଗ । ଅଭିଯୁକ୍ତ ଦ୍ବୟ ଗଁନ୍ଦିଆ ଥାନା ଅନ୍ତର୍ଗତ ଆରୁଁଆ ଗ୍ରାମର ରବି ନାରାୟଣ ବେହେରା ଓ ରଜତ ବେହେରା ବୋଲି ଜଣାପଡିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
