ନିଆଳି : ପୁରୀ ଜଗନ୍ନାଥଙ୍କ ମନ୍ଦିର ପରେ ଏବେ ଭୁବନେଶ୍ୱର ୬୪ ଯୋଗିନୀ ପୀଠ ପରିସରରୁ ଭିଡିଓ ଭାଇରାଲ । ଆଧୁନିକ ଗୀତ ତାଳେ ତାଳେ ନାଚୁଛନ୍ତି ଜନୈକା ଯୁବତୀ । ମନ୍ଦିର ଭିତରେ ଯୁବତୀଙ୍କ ଇନଷ୍ଟାଗ୍ରାମ ରିଲ୍ । ସୋସିଆଲ ମିଡିଆରେ ଘୁରି ବୁଲୁଛି ଏହି ଭିଡିଓ । ଇନଷ୍ଟାଗ୍ରାମ ରିଲ୍ କରି ବିବାଦକୁ ଆସିଛନ୍ତି ଆଉ ଜଣେ ଯୁବତୀ । ଖୋର୍ଦ୍ଧା ଜିଲ୍ଲା ବାଲିଅନ୍ତାର ମହାମାୟା ଚଉଷଠି ଯୋଗିନୀଙ୍କ ମନ୍ଦିର ଭିତରେ ଯୁବତୀ ଜଣକ ଏହି ଭିଡିଓ କରିଛନ୍ତି ।
ମନ୍ଦିର ଭିତରକୁ ମୋବାଇଲ ଫୋନ୍ ବାରଣ ଥିବା ସତ୍ତ୍ୱେ କିପରି ଏହି ଯୁବତୀ ଜଣକ ସେଠାରେ ଭିଡିଓ କରିଛନ୍ତି ତାକୁ ନେଇ ଏବେ ପ୍ରଶ୍ନ। ଏହି ଭିଡିଓଟି ଭାଇରାଲ ହେବା ପରେ ଭକ୍ତଙ୍କ ମଧ୍ୟରେ ଘୋର ଅସନ୍ତୋଷ ଦେଖା ଦେଇଛି । ସେପଟେ ଯୁବତୀ ଜଣକ ଜଗସିଂହପୁରର ଆଲବମ ଅଭିନେତ୍ରୀ ବୋଲି ଜଣାପଡ଼ିଛି । ପୂର୍ବରୁ ମଧ୍ୟ ପୁରୀ ଶ୍ରୀମନ୍ଦିର ନିକଟରେ ମଧ୍ୟ ସମାନ ଧରଣର ଚିତ୍ର ଦେଖାଯାଇଥିଲା ।
ସୂଚନାନୁସାରେ କିଛି ଦିନ ପୂର୍ବରୁ ଜଣେ ଯୁବତୀ ଶ୍ରୀ ମନ୍ଦିରରେ ସମ୍ମୁଖରେ ହିନ୍ଦୀ ଗୀତରେ ନାଚୁଥିବାର ଏକ ଭିଡିଓ ଭାଇରାଲ ହୋଇଥିଲା। ଏହା ସହ ଶ୍ରମନ୍ଦିର ଆଗରେ ସ୍ଵାମୀ-ସ୍ତ୍ରୀ ମିଶି ଏକ ଭିଡିଓ କରିଥିବାର ସାମ୍ନାକୁ ଆସିଥିଲା। ଏହିପରି ଭିଡିଓ ବାରମ୍ବାର ସାମ୍ନାକୁ ଆସିବା ଚିନ୍ତାର କାରଣ ପାଲଟିଛି। କଡା ପଦକ୍ଷେପ ନନେବା ହେତୁ ଏହାର ପରିଣାମ ବଢିବାରେ ଲାଗିଛି।
ନିଆଳିରୁ ଉମେଶ ଚନ୍ଦ୍ର ମଲ୍ଲିକ, ଇଟିଭି ଭାରତ
