ନିଆଳି: ବେଆଇନ କରତ କଳ ଉପରେ ଚଢ଼ାଉ । ବାଲିପାଟଣା ବନାଞ୍ଚଳ ଅଧୀନସ୍ଥ ୨ କରତ କଳ ଉପରେ ବନ ବିଭାଗ ପକ୍ଷରୁ ଚଢ଼ାଉ କରାଯାଇଛି । ଭୁବନେଶ୍ୱର ବନ ବିଭାଗ ଭିଜିଲାନ୍ସ ଓ ବାଲିପାଟଣା ବନାଞ୍ଚଳ ମିଳିତ ଭାବେ ଚଢ଼ାଉ କରିଛନ୍ତି । ଏହି ଚଢ଼ାଉରେ ଲକ୍ଷାଧିକ ଟଙ୍କାର ଯନ୍ତ୍ରାଂଶ ଓ କାଠ ଜବତ ହୋଇଛି ।
ବେଆଇନ କରତ କଳ ଉପରେ ଚଢ଼ାଉ
ମଝିହରା ପଞ୍ଚାୟତର ଧାନହରା ଓ ପମ୍ପାଲୋ ପଞ୍ଚାୟତର ଚଣାହଟ୍ଟା ନିକଟ କୁଳନ୍ତିରା ଶାସନ କରତ କଳ ଉପରେ ବିନ ବିଭାଗର ଚଢ଼ାଉ ଜାରି ରହିଛି । ଭିଜିଲାନ୍ସ ଏସିଏଫ ସାଧନା ପ୍ରିୟଦର୍ଶନୀ, ଖୋର୍ଦ୍ଧା ଏସିଏଫ ଅସିତ କୁମାର ମିଶ୍ର , ବାଲିପାଟଣା ବନାଞ୍ଚଳ ଅଧିକାରୀ ମାନସ ରଞ୍ଜନ ମହାନ୍ତି ଚଢ଼ାଉରେ ସାମିଲ ହୋଇଛନ୍ତି । କରତ କଳରେ ବ୍ୟବହୃତ ସାମଗ୍ରୀକୁ ଜବତ କରାଯାଇଛି । ଗତ ଜୁନ ମାସରେ ସରିପୁର ଓ ଡେଙ୍ଗ କରତ କଳ ଉପରେ ଚଢ଼ାଉ ହୋଇଥିଲା । ଏଥିରେ ଲକ୍ଷାଧିକ ଟଙ୍କାର ଯନ୍ତ୍ରାଂଶ ଓ ମୂଲ୍ୟବାନ କାଠ ବନ ବିଭାଗ ଜବତ କରିଥିଲା ।
ଇଟିଭି ଭାରତ, ନିଆଳି
