ଭଦ୍ରକ: ସାଂସଦ ମଞ୍ଜୁଲତା ମଣ୍ଡଳଙ୍କ ସୁରକ୍ଷାରେ ନିୟୋଜିତ ପୋଲିସ ହାବିଲଦାର ଅଶୋକ କୁମାର ବେହେରାଙ୍କୁ ନେଇ ସାମାଜିକ ଗଣମାଧ୍ୟମରେ ବେଶ ଚର୍ଚ୍ଚା ହେଉଛି ।
ବର୍ଦ୍ଦିରେ ନଥାଇ ମଧ୍ୟ ଭୁଲିନାହାନ୍ତି ସେବା, ଚର୍ଚ୍ଚାରେ ପୋଲିସ ହାବିଲଦାର
ଖବର ଅନୁଯାୟୀ ଅଶୋକ ପ୍ରାତଃ ଭ୍ରମଣ କରୁଥିବାବେଳେ ତିହିଡି ଅଞ୍ଚଳରୁ ଏକ ମୋଟର ସାଇକେଲ ଯୋଗେ ଚରମ୍ପା ଅଭିମୁଖେ ଯାଉଥିବା 2 ଜଣ ମହିଳାଙ୍କ ସହିତ ଆରୋହୀ ଡାହାଣୀଗଡ଼ିଆ ନିକଟରେ ଦୁର୍ଘଟଣା ଗ୍ରସ୍ତ ହୋଇଥିଲେ । ଅଶୋକ ତତକ୍ଷଣାତ ଆହତଙ୍କୁ ଭଦ୍ରକ ମେଡିକାଲ ନେଇଥିଲେ।
ଏଥିସହ ସେଠାରେ ପ୍ରାଥମିକ ଚିକିତ୍ସା ପରେ, ଦୁର୍ଘଟଣାରେ ଆହତ ହୋଇ ଚାଲି ପାରୁନଥିବା ମହିଳାଙ୍କୁ ଅଶୋକ ଏକାକି ଟେକି ଟେକି ୱାର୍ଡକୁ ସ୍ଥାନାନ୍ତରିତ କରିଥିଲେ । ପରେ ଡାକ୍ତରଙ୍କ ସହ ଯୋଗାଯୋଗ କରି ସେମାନଙ୍କ ଚିକିତ୍ସା ବ୍ୟବସ୍ଥା କରିଥିଲେ । ଯାହାକି ଅଶୋକ ମହିଳାଙ୍କୁ ୱାର୍ଡକୁ ଟେକି ଟେକି ନେବା ବେଳର ଭିଡିଓ ଏବେ ସାମାଜିକ ଗଣମାଧ୍ୟମରେ ଭାଇଭାଲ ହେବାରେ ଲାଗିଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
