ବରଗଡ : ଜିଲ୍ଲାରେ ଉଦଘାଟନ ହେଲା ବୃହତ ବୁଣାକାର ବଜାର । 10 କୋଟି ଟଙ୍କା ବିନିମୟରେ ଖର୍ଚ୍ଚ ହୋଇଥିବା ବୁଣାକାର ବଜାରକୁ ଶୁକ୍ରବାର ମନ୍ତ୍ରୀ ସୁଶାନ୍ତ ସିଂ ଉଦଘାଟନ କରିଛନ୍ତି । ଖୋଲା ଆକାଶ ତଳେ ସମ୍ବଲପୁରୀ ଶାଢ଼ୀ ବିକ୍ରି କରୁଥିବା ବୁଣାକାର ମାନଙ୍କ ସୁବିଧା ପାଇଁ 134 ଗୋଟି ଦୋକାନ ଗୃହ ଥିବା ବିରାଟ ବୁଣାକାର ବଜାରର ଶୁଭ ଉଦଘାଟନ କରାଯାଇଛି । ଏହି ଉଦଘାଟନ ସମାରୋହରେ ଅତାବିରା ବିଧାୟିକା ସ୍ନେହାଙ୍ଗିନୀ ଛୁରିଆ,ବିଜେପୁର ବିଧାୟିକା ରିତା ସାହୁ, ଲୋକସଭା ସାଂସଦ ସୁରେଶ ପୂଜାରୀ, ବରଗଡ଼ ଜିଲ୍ଲାପାଳ, ଆରକ୍ଷୀ ଅଧିକାରୀ ପ୍ରମୁଖ ଯୋଗଦେଇଥିଲେ।
ତେବେ ଏହି ବୃହତ ବୁଣାକାର ବଜାରରେ ବୁଣାକାରଙ୍କ ପାଇଁ ସମୁଦାୟ 134ଟି ଷ୍ଟଲ ରହିଥିବା ବେଳେ ଏଠାରେ ଅନ୍ୟାନ୍ୟ ଆନୁସାଙ୍ଗିକ ସୁବିଧା ରହିଥିବା ଜିଲ୍ଲାପାଳ କହିଛନ୍ତି । ଆଗାମୀ ଦିନରେ ପ୍ରାୟ ତିନି ଏକର ଜମି ଚିହ୍ନଟ କରାଯାଇ ବୁଣାକାର ବଜାରରେ ଷ୍ଟଲ ସଂଖ୍ୟାକୁ ବୃଦ୍ଧି କରାଯିବ ବୋଲି ମନ୍ତ୍ରୀ ସୁଶାନ୍ତ ସିଂ କହିଛନ୍ତି । ଏହି ବଜାରରେ ବୁଣାକାର ମାନେ ଉଚିତ ସୁବିଧା ସୁଯୋଗରେ ନିଜ ଦ୍ରବ୍ୟ ବିକ୍ରୟ କରିପାରିବେ ବୋଲି ମନ୍ତ୍ରୀ ସୁଶାନ୍ତ ସିଂ କହିଛନ୍ତି ।
ବରଗଡରୁ ରାଜେଶ ସରାପ, ଇଟିଭି ଭାରତ