ବଲାଙ୍ଗୀର: ସିରିଜ ଦୁର୍ଘଟଣା ଘଟାଇଥିବା ଗାଡିରୁ ଗଞ୍ଜେଇ ଜବତ । ସିରିଜ ଦୁର୍ଘଟଣା ଘଟାଇଥିବା ଗାଡିରୁ ଜବତ ହୋଇଛି ବିପୁଳ ପରିମାଣର ଗଞ୍ଜେଇ । ବଲାଙ୍ଗୀରରେ ଗତକାଲି ସନ୍ଧ୍ୟାରେ ଏକ ଦୃତ ଗତିରେ ଆସୁଥିବା ସ୍କର୍ପିଓ ଗାଡି ସିରିଜ ଦୁର୍ଘଟଣା ଘଟାଇଥିଲା । ତେବେ ଏନେଇ ପରେ ଗାଡ଼ିକୁ ଯାଞ୍ଚ ପରେ ସେଥିରୁ ବିପୁଳ ପରିମାଣର ଗଞ୍ଜେଇ ଜବତ କରିଛି ପୋଲିସ । ଅନ୍ୟପଟେ ସମସ୍ତ ଅଭିଯୁକ୍ତ ଫେରାର୍ ହୋଇଥିବା ନେଇ ସୂଚନା ମିଳିଛି ।
ସୂଚନା ଅନୁଯାୟୀ, ବରଗଡ ବୋରିଗୁମ୍ମା 26 ନମ୍ବର ଜାତୀୟ ରାଜପଥ ଲୋଇସିଂହା ଠାରେ ବଲାଙ୍ଗୀର ପଟୁ ଦୃତ ଗତିରେ ଯାଉଥିବା ଓଡି 14A 5052 ନମ୍ବର୍ ବିଶିଷ୍ଟ ଏକ ସ୍କର୍ପିଓ ଗାଡ଼ି ସିରିଜ ଦୁର୍ଘଟଣା ଘଟାଇ ଥିଲା । ଯାହାଦ୍ବାରା ଅନେକ ସ୍କୁଟି ଓ ବାଇକକୁ ଧକ୍କା ଦେଇ ଦୁର୍ଘଟଣା ଗ୍ରସ୍ତ ହୋଇଥିଲା । ସେପଟେ ଦୁର୍ଘଟଣା ପରେ ଗାଡ଼ିରେ ଥିବା ଡ୍ରାଇଭର ଓ ଦୁଇ ଜଣ ଫେରାର ମାରିଥିଲେ । ତେବେ ଲୋଇସିଂହା ପୋଲିସ୍ ମାଜିଷ୍ଟ୍ରେଟଙ୍କ ଉପସ୍ଥିତିରେ ଗାଡ଼ିକୁ ରାତିରେ ଯାଞ୍ଚ କରିଥିବା ବେଳେ ଏଥିରୁ 90 କିଲୋ ଗଞ୍ଜେଇ ଜବତ କରିଛି । ଏବଂ ଏହାର ଅଧିକ ତଦନ୍ତ ପୋଲିସ୍ ଜାରି ରଖି ଥିବାର ସୁଚନା ମିଳିଛି ।
ଏହା ମଧ୍ୟ ପଢନ୍ତୁ: କଳାହାଣ୍ଡିରେ ବେଧଡକ ଚାଲିଛି ଗଞ୍ଜେଇ ଚାଲାଣ, ତିନି ବର୍ଷରେ ୨୭ ଗିରଫ
ସେହିପରି ସୂଚନା ଥାଉକି, କଳାହାଣ୍ଡି ଜିଲ୍ଲାରେ ମାତିଛନ୍ତି ଗଞ୍ଜେଇ ମାଫିଆ । କେତେବେଳେ ଜଙ୍ଗଲୀ ରାସ୍ତା ତ ପୁଣି ଆଉ କେତେବେଳେ ଜାତୀୟ ରାଜପଥ ୨୬ରେ ବିଭିନ୍ନ ଆଳରେ କରୁଛନ୍ତି ଗଞ୍ଜେଇ ଚୋରା ଚାଲାଣ । ଅନେକ ସମୟରେ ଚଢାଉ କରାଯାଇ କ୍ବିଣ୍ଟାଲ କ୍ବିଣ୍ଟାଲ ଗଞ୍ଜେଇ ଜବତ କରିବା ସହ ମାଫିଆଙ୍କୁ ଗିରଫ କରାଯାଉଥିଲେ ମଧ୍ୟ ଗଞ୍ଜେଇ ଚାଲାଣରେ ରୋକ ଲାଗୁନାହିଁ । ନୂଆ ନୂଆ ତରିକା ଓ ପନ୍ଥା ଆପଣାଇ ପୋଲିସ ଆଖିରେ ଧୂଳି ଦେଇ ବେଧଡକ ଗଞ୍ଜେଇ ଚାଲାଣ କରୁଛନ୍ତି ମାଫିଆ । ଗତ ତିନି ବର୍ଷ ମଧ୍ୟରେ କଳାହାଣ୍ଡି ଜିଲ୍ଲାରେ ପୋଲିସ ବ୍ୟାପକ ମାତ୍ରାରେ ଚୋରା ଚାଲାଣ ହେଉଥିବା ଗଞ୍ଜେଇ ଜବତ କରିଛି ।
ଇଟିଭି ଭାରତ, ବଲାଙ୍ଗୀର
