ବଲାଙ୍ଗୀର: ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ଜାଲରେ ଛନ୍ଦି ହୋଇଛନ୍ତି କେସିଙ୍ଗାରେ ଫରେଷ୍ଟ ରେଞ୍ଜର ଭାବରେ କାର୍ଯ୍ୟରତ ବଲାଙ୍ଗୀରର ଦୀନବନ୍ଧୁ ମେହେର । ମଙ୍ଗଳବାର ସକାଳୁ ଏହି ଅଭିଯୋଗରେ ଭିଜିଲାନ୍ସ ଦଳ ପୃଥକ ପୃଥକ ତିନୋଟି ସ୍ଥାନରେ ଚଢ଼ାଉ ଜାରି ରଖିଛନ୍ତି ।
ଭିଜିଲାନ୍ସ ଜାଲରେ ଫରେଷ୍ଟ ରେଞ୍ଜର,ଚାଲିଛି ସମ୍ପତ୍ତି ଆକଳନ
ଯେଉଁଥିରେ ରେଞ୍ଜରଙ୍କ ବଲାଙ୍ଗୀରସ୍ଥିତ ବାସଭବନ, କେସିଙ୍ଗାରେ ଥିବା ସରକାରୀ କାର୍ଯ୍ୟାଳୟ ଓ ସରକାରୀ ବାସଭବନରେ ଏହି ଚଢ଼ାଉ ଜାରି ରହିଛି । ଏଯାବତ ଲକ୍ଷାଧିକ ଟଙ୍କାର ଜମିଜମା କାଗଜପତ୍ର ଭିଜିଲାନ୍ସ ଟିମ ଜବତ କରିଥିବା ବେଳେ ସମ୍ପତ୍ତି ଆକଳନ ଏବେବି ଜାରି ରହିଛି ।
ଏହି ଚଢ଼ାଉରେ ବଲାଙ୍ଗୀର, ସୁବର୍ଣ୍ଣପୁର, ବରଗଡ଼ ଓ ସମ୍ବଲପୁରର ଭିଜିଲାନ୍ସ ଟିମ ମିଳିତ ଭାବରେ ସବୁଠି ଚଢ଼ାଉ ଜାରି ରଖିଛନ୍ତି । ତଦନ୍ତ ସରିଲା ପରେ ସମ୍ପୂର୍ଣ୍ଣ ତଥ୍ୟ ସମ୍ନାକୁ ଆସିବ ବୋଲି ଭିଜିଲାନ୍ସ କହିଛି ।
ବଲାଙ୍ଗୀରରୁ ଶେଖ୍ ମହମ୍ମଦ ୱାହିଦ୍,ଇଟିଭି ଭାରତ
