ବଲାଙ୍ଗୀର: ପାଟ୍ରୋଲିଂ ବେଳେ ବିପୁଳ ପରିମାଣର ବେଆଇନ କଫ ସିରପ ଜବତ କଲା ପୋଲିସ । ଏହା ସହ ଦୁଇ ଜଣଙ୍କୁ ପୋଲିସ ଗିରଫ କରିଛି । ତେବେ ବଲାଙ୍ଗୀର ବେଳପଡ଼ା ପୋଲିସ ପାଟ୍ରୋଲିଂ କରୁଥିବା ବେଳେ ଏକ ଗାଡ଼ିକୁ ଅଟାଇଥିଲା । ଏବଂ ଯାଞ୍ଚ ପରେ ସେହି ଗାଡିରୁ ଆଠ ପେଟି ବେଆଇନ (ଏସ୍କଫ) କଫ ସିରପ ବୋତଲ ମିଳିଥିଲା । ଏହି କଫ ସିରପ ବେଆଇନ ଭାବରେ ଗ୍ରାମାଞ୍ଚଳରେ ବିକ୍ରି ପାଇଁ ଆସିଥିବାର ପୋଲିସ ଜାଣିବାକୁ ପାଇଛି।
ଆଠ ପେଟି ବେଆଇନ କଫ ସିରପ ଜବତ, 2 ଗିରଫ
ସେହିପରି ଲକଡାଉନରେ ଏବେ କଫ ସିରପ ମାଫିଆମାନେ ଗ୍ରାମାଞ୍ଚଳକୁ ଟାର୍ଗେଟ କରୁଥିବା ବେଳେ ପୋଲିସକୁ ଏନେଇ ଏକ ବଡ଼ ସଫଳତା ମିଳିଛି। ସେପଟେ ପୋଲିସ ଏହି ମାମଲାରେ ଦୁଇଜଣ କାର୍ତ୍ତିକ ହଂସ ଓ ଅର୍ଜୁନ ବେହେରାକୁ ଗିରଫ କରି ଅଧିକ ତଦନ୍ତ ଜାରି ରଖିଥିବା ଜଣାପଡ଼ିଛି।
ବଲାଙ୍ଗୀରରୁ ଶେଖ୍ ମହମ୍ମଦ ୱାହିଦ, ଇଟିଭି ଭାରତ
