ହାଇଦ୍ରାବାଦ: ପାକିସ୍ତାନ କ୍ରିକେଟର ବାବର ଆଜମଙ୍କର ବିରାଟ କୋହଲିଙ୍କ ପ୍ରତି ସମ୍ବେଦନାମୂଳକ ଟ୍ବିଟ କରିଛନ୍ତି । ବାବର ଆଜମ ନିଜ ଟ୍ବିଟର ଆକାଉଣ୍ଟରେ ବିରାଟ କୋହଲିଙ୍କ ସହିତ ଏକ ଫଟୋ ପୋଷ୍ଟ କରି ଲେଖିଛନ୍ତି, "ଏହି ସମୟ ବହୁତ ଶୀଘ୍ର ବିତି ଯିବ । ନିଜକୁ ଦୃଢ କର । "
-
This too shall pass. Stay strong. #ViratKohli pic.twitter.com/ozr7BFFgXt
— Babar Azam (@babarazam258) July 14, 2022 " class="align-text-top noRightClick twitterSection" data="
">This too shall pass. Stay strong. #ViratKohli pic.twitter.com/ozr7BFFgXt
— Babar Azam (@babarazam258) July 14, 2022This too shall pass. Stay strong. #ViratKohli pic.twitter.com/ozr7BFFgXt
— Babar Azam (@babarazam258) July 14, 2022
ଗତକାଲି (ଗୁରୁବାର) ଖେଳାଯାଇଥିବା ଭାରତ ଇଂଲଣ୍ଡ ବିପକ୍ଷ ଦ୍ବିତୀୟ ଦିନିକିଆରେ ଭାରତ 100 ରନରେ ଇଂଲଣ୍ଡଠାରୁ ପରାସ୍ତ ହୋଇଛି । ଏହି ମ୍ୟାଚରେ କୋହଲିଙ୍କର ପ୍ରଦର୍ଶନକୁ ଅପେକ୍ଷା ରହିଥିଲା । ହେଲେ ସେଥିରେ ସେ କ୍ରିକେଟପ୍ରେମୀଙ୍କୁ ନିରାଶ କରିଛନ୍ତି । କୋହଲି 16 ରନ ସଂଗ୍ରହ କରି ଆଉଟ ହୋଇଥିଲେ । ଏନେଇ ପାକିସ୍ତାନ କ୍ରିକେଟର ବାବର ଆଜମ ଟ୍ବିଟର ମାଧ୍ୟମରେ ବିରାଟ କୋହଲିଙ୍କୁ ସମର୍ଥନ କରି ଏକ ଟ୍ବିଟ କରିଥିଲେ ।
ବିରାଟ କୋହଲି ବର୍ତ୍ତମାନ ଫର୍ମରେ ନ ରହିବା ତଥା ତାଙ୍କର ଖରାପ ପ୍ରଦର୍ଶନ ପାଇଁ ସେ ଏବେ କ୍ରିକେଟ ବିଶେଷଜ୍ଞଙ୍କ ଆଲୋଚନାର ପାତ୍ର ବନିଛନ୍ତି । ନିକଟରେ କିମ୍ବଦନ୍ତୀ କ୍ରିକେଟର କପିଲ ଦେବ, ଏବଂ ଲିଟିଲ ମାଷ୍ଟର ସୁନୀଲ ଗାଭାସ୍କର କୋହଲିଙ୍କ ଫର୍ମକୁ ନେଇ ସମାଲୋଚନା କରିଥିଲେ । ସେମାନଙ୍କ ମତରେ ବିରାଟଙ୍କୁ ଏବେ ଦଳରୁ ବାଦ ଦିଆଯାଇ ତାଙ୍କୁ ବିଶ୍ରାମ ଦେବା ଦରକାର ।
ବିରାଟ କୋହଲିଙ୍କର ଏବେ ଖରାପ ପ୍ରଦର୍ଶନ ଜାରି ରହିଛି । ଗୋଟେ ପରେ ଗୋଟେ ମ୍ୟାଚରେ ବିରାଟ କ୍ରିକେଟ ପ୍ରଶଂସକଙ୍କୁ ନିରାଶ କରିଚାଲିଛନ୍ତି । ଭାରତ ଇଂଲଣ୍ଡ ବିପକ୍ଷ ଟେଷ୍ଟ ସିରିଜ, ଭାରତ ଇଂଲଣ୍ଡ ବିପକ୍ଷ ଟି-20 ସିରିଜରେ ମଧ୍ୟ କୋହଲି ତାଙ୍କ ପ୍ରଦର୍ଶନ ପାଇଁ ସମସ୍ତଙ୍କୁ ନିରାଶ କରିଥିଲେ ।
ସେହିପରି ବର୍ତ୍ତମାନ ଚାଲିଥିବା ଇଂଲଣ୍ଡ ବିପକ୍ଷ ଦିନିକିଆ ସିରିଜର ଦ୍ବିତୀୟ ଦିନିକିଆରେ କୋହିଲି ବ୍ୟାଟିଂ ପାଇଁ କ୍ରିଜକୁ ଆସିଥିଲେ । 50 ଓଭର ବିଶିଷ୍ଟ ଦିନିକିଆରେ କୋହଲି ନିଜ ଦକ୍ଷକୁ ପ୍ରମାଣିତ କରିବା ପାଇଁ ଅଧିକ ସମୟ ପାଇବେ ଏବଂ ତାଙ୍କର ପୂର୍ବଭଳି ଦମଦାର ପ୍ରଦର୍ଶନ ଦେଖିବାକୁ ମିଳିବ ବୋଲି କ୍ରିକେଟ ପ୍ରଶଂସକଙ୍କର ଆଶା ରହିଥିଲା । ତାହା ମଧ୍ୟ କୋହଲି ନିରାଶ କରିଲେ । ଖେଳାଯାଇଥିବା ଦ୍ବିତୀୟ ଦିନିକିଆରେ କୋହଲି 16 ରନ କରି ପାଭଲିୟନ ଫେରିଥିଲେ । ଭାରତ 100 ରନରେ ଇଂଲଣ୍ଡଠାରୁ ପରାସ୍ତ ହୋଇଥିଲା ।
