ହୋଭ(ୟୁକେ): ସ୍ପିନର ପୁନମ ଯାଦବ ଓ ସ୍ନେହ ରାଣାଙ୍କ ଚମତ୍କାର ପ୍ରଦର୍ଶନ ସହାୟତାରେ ଦ୍ବିତୀୟ ଟି20ରେ ବିଜୟୀ ହୋଇଛି ଭାରତୀୟ ମହିଳା ଟିମ । 8 ରନ୍ରେ ଘରୋଇ ଇଂଲଣ୍ଡକୁ ହରାଇବା ସହ 3 ମ୍ୟାଚ ବିଶିଷ୍ଟ ଟି20 ସିରିଜ 1-1ରେ ବରାବର କରିଛି ଭାରତ ।
149 ରନ୍ର ବିଜୟ ଲକ୍ଷ୍ୟକୁ ପିଛା କରିଥିବା ଇଂଲିସ ମହିଳା ଟିମ ନିର୍ଦ୍ଧାରିତ 20 ଓଭରରେ 140 ରନ କରିପାରିଛି । ଟମି ବିୟୁମୋଣ୍ଟ ସର୍ବାଧିକ 50 ବଲ୍ରୁ 59 ରନର ଅର୍ଦ୍ଧଶତକୀୟ ଇଂନିସ ଖେଳିଥିଲେ ।
କ୍ୟାପଟେନ ହେଥର ନାଇଟ 30 ରନର ଉପଯୋଗୀ ଇଂନିସ ଖେଳିଥିଲେ ମଧ୍ୟ ଟିମକୁ ବିଜୟୀ କରାଇପାରିନଥିଲେ । ଅନ୍ୟ କୌଣସି ଖେଳାଳି ସଫଳ ହୋଇନଥିଲେ ।
ଭାରତ ପକ୍ଷରୁ ସ୍ପିନର ପୁନମ ଯାଦବ 2ଟି ଓ ଅରୁନ୍ଧତୀ ରେଡ୍ଡି ଓ ଦିପ୍ତୀ ଶର୍ମା ଗୋଟିଏ ଲେଖାଏଁ ୱିକେଟ ହାସଲ କରିଛନ୍ତି ।
ପୂର୍ବରୁ ଓପନର ଶେଫାଳି ବର୍ମାଙ୍କ 48, ହରମନପ୍ରୀତ କୌରଙ୍କ 31, ସ୍ମୃତି ମାନ୍ଧାନା 20 ଓ ଦିପ୍ତୀ ଶର୍ମାଙ୍କ 24 ରନ ବଳରେ 148 ରନ କରିଥିଲା ଭାରତୀୟ ମହିଳା ଟିମ ।
ବ୍ୟୁରୋ ରିପୋର୍ଟ, ଇଟିଭି ଭାରତ
