ନୂଆଦିଲ୍ଲୀ: ଅର୍ଜୁନ ପୁରସ୍କାରରେ ସମ୍ମାନିତ ହେଲେ ଭାରତୀୟ କ୍ରିକେଟ ଟିମର ଷ୍ଟାର ବୋଲର ମହମ୍ମଦ ଶାମି । ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କଠାରୁ ଏହି ସମ୍ମାନଜନକ ପୁରସ୍କାର ଗ୍ରହଣ କରିଛନ୍ତି ଶାମି । ରାଷ୍ଟ୍ରପତି ଭବନରେ ଆୟୋଜିତ ଏକ ସ୍ବତନ୍ତ୍ର କାର୍ଯ୍ୟକ୍ରମରେ ଶାମି ଅର୍ଜୁନ ପୁରସ୍କାର ଗ୍ରହଣ କରିଛନ୍ତି । ଆଇସିସି ବିଶ୍ବକପ 2023ରେ ଉଚ୍ଚକୋଟିର ପ୍ରଦର୍ଶନ ଯୋଗୁଁ ଅର୍ଜୁନ ପୁରସ୍କାର ପାଇଁ ଶାମିଙ୍କୁ ମନୋନୀତ କରାଯାଇଥିଲା ।
ଗତ ବର୍ଷ ଭାରତରେ ଖେଳାଯାଇଥିବା ଆଇସିସି ଦିନିକିଆ ବିଶ୍ବକପରେ ଶାମି ବୋଲିଂରେ ଚମତ୍କାର ପ୍ରଦର୍ଶନ କରିଥିଲେ । 7ଟି ମ୍ୟାଚ ଖେଳିଥିବା ଭାରତୀୟ ଷ୍ଟାର ପେସର୍ ମହମ୍ମଦ ଶାମି 24ଟି ୱିକେଟ୍ ନେଇ ପୂରା ଟୁର୍ଣ୍ଣାମେଣ୍ଟରେ ସର୍ବାଧିକ ୱିକେଟ ଟେକର୍ ପାଲଟିଥିଲେ । ଏପରିକି ସେମିଫାଇନାଲ୍ରେ 7ଟି ୱିକେଟ୍ ଦଖଲ କରି ସେ ଏକାକୀ ଦଳକୁ ଫାଇନାଲ୍ରେ ପହଞ୍ଚାଇବାରେ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିଥିଲେ । ବିଶ୍ବକପ୍ରେ ଏଭଳି ଶ୍ରେଷ୍ଠ ବୋଲିଂ ପ୍ରଦର୍ଶନ ପାଇଁ ଏବେ ଶାମିଙ୍କୁ ଏହାର ପୁରସ୍କାର ମିଳିଛି । ଅର୍ଜୁନ ଆୱାର୍ଡ ପାଇଁ ବିସିସିଆଇ ଶାମିଙ୍କ ନାମକୁ କେନ୍ଦ୍ର କ୍ରୀଡ଼ା ମନ୍ତ୍ରଣାଳୟକୁ ସୁପାରିଶ କରିଥିଲା ।
-
#WATCH | Delhi: Mohammed Shami received the Arjuna Award from President Droupadi Murmu at the National Sports Awards. pic.twitter.com/znIqdjf0qS
— ANI (@ANI) January 9, 2024 " class="align-text-top noRightClick twitterSection" data="
">#WATCH | Delhi: Mohammed Shami received the Arjuna Award from President Droupadi Murmu at the National Sports Awards. pic.twitter.com/znIqdjf0qS
— ANI (@ANI) January 9, 2024#WATCH | Delhi: Mohammed Shami received the Arjuna Award from President Droupadi Murmu at the National Sports Awards. pic.twitter.com/znIqdjf0qS
— ANI (@ANI) January 9, 2024
ଏହା ମଧ୍ୟ ପଢନ୍ତୁ-ଆଜି ଜାତୀୟ କ୍ରୀଡା ପୁରସ୍କାର ପ୍ରଦାନ କରିବେ ରାଷ୍ଟ୍ରପତି
୨୬ ଜଣଙ୍କୁ ଅର୍ଜୁନ ପୁରସ୍କାର:
-
#WATCH | Delhi: Para-archer Sheetal Devi received the Arjuna Award from President Droupadi Murmu at the National Sports Awards. pic.twitter.com/jwkFEd2CjH
— ANI (@ANI) January 9, 2024 " class="align-text-top noRightClick twitterSection" data="
">#WATCH | Delhi: Para-archer Sheetal Devi received the Arjuna Award from President Droupadi Murmu at the National Sports Awards. pic.twitter.com/jwkFEd2CjH
— ANI (@ANI) January 9, 2024#WATCH | Delhi: Para-archer Sheetal Devi received the Arjuna Award from President Droupadi Murmu at the National Sports Awards. pic.twitter.com/jwkFEd2CjH
— ANI (@ANI) January 9, 2024
ଆଜି ରାଷ୍ଟ୍ରପତି ଭବନରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଜାତୀୟ କ୍ରୀଡା ପୁରସ୍କାର ପାଇଁ ମନୋନୀତ ହୋଇଥିବା ଖେଳାଳିମାନଙ୍କୁ ପୁରସ୍କାର ପ୍ରଦାନ କରିଛନ୍ତି । ମହମ୍ମଦ ଶାମିଙ୍କ ସମେତ 26 ଜଣ ଭାରତୀୟ ଖେଳାଳିଙ୍କୁ ଅର୍ଜୁନ ପୁରସ୍କାରରେ ସାମ୍ମାନିତ କରିଛନ୍ତି ରାଷ୍ଟ୍ରପତି । ବ୍ଲାଇଣ୍ଡ କ୍ରିକେଟରେ ଅଜୟ ରେଡ୍ଡୀ, ତୀରନ୍ଦାଜରେ ଓଜେସ ପ୍ରବୀଣ ଦେଓତାଲେ, ପାରା ଆର୍ଚେରୀରେ ଶୀତଲ ଦେବୀ, ହକିରେ କୃଷ୍ଣ ବାହଦୂର ପାଠକ, ତୀରନ୍ଦାଜରେ ଆଦିତି ଗୋପୀଚାନ୍ଦ ସ୍ବାମୀଙ୍କୁ ଅର୍ଜୁନ ପୁରସ୍କାର ପ୍ରଦାନ କରିଛନ୍ତି ରାଷ୍ଟ୍ରପତି । ସେହିପରି ପାରୁଲ ଚୌଧୁରୀ (ଆଥଲେଟିକ୍ସ), ମହମ୍ମଦ, ହୁସାମୁଦ୍ଦିନ (ବକ୍ସିଂ), ଆର ବୈଶାଳୀ (ଚେସ୍), ଦିବ୍ୟକୃତୀ ସିଂହ (ଅଶ୍ବାରୋହୀ), ଅନୁଶ ଅଗ୍ରଓ୍ବାଲା (ଅଶ୍ବାରୋହୀ), ଐଶ୍ୱର୍ଯ୍ୟ ପ୍ରତାପ ସିଂହ ତୋମାର (ସୁଟିଂ), ଦିକ୍ଷା ଡାଗର (ଗଲ୍ଫ), ଏମ୍ ଶ୍ରୀଶଙ୍କର (ଆଥଲେଟିକ୍ସ), ସୁଶିଳା ଚାନୁ (ହକି), ପିଙ୍କି (ଲନ୍ ବଲ), ନସରୀନ (ଖୋ-ଖୋ), ରିତୁ ନେଗୀ (କବାଡ଼ି) ପବନ କୁମାର (କବାଡ଼ି), ନାଓରେମ ରୋଶିବିନା ଦେବୀ (ଉସୁ), ସୁନୀଲ କୁମାର (କୁସ୍ତି), ଅନ୍ତିମ ପାଂଘଲ (କୁସ୍ତି), ଅୟହିକା, ମୁଖାର୍ଜୀ (ଟେବୁଲ ଟେନିସ୍), ପ୍ରାଚୀ ଯାଦବ (ପାରା ନୋଇନିଂ), ଈଶା ସିଂ (ସୁଟିଂ), ହରିନ୍ଦର ପାଲ ସିଂ ସନ୍ଧୁ (ସ୍କ୍ୱାସ୍)ଙ୍କୁ ଅର୍ଜୁନ ପୁରସ୍କାରରେ ସମ୍ମାନିତ କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
