ଲକ୍ଷ୍ନୌ: କୁକୁର କାମୁଡାର ଶିକାର ଅର୍ଜୁନ ତେନ୍ଦୁଲକର । ମହାନ କ୍ରିକେଟର ସଚିନ ତେନ୍ଦୁଲକରଙ୍କ ପୁଅ ତଥା ମୁମ୍ବାଇ ଇଣ୍ଡିଆନ୍ସ ଅଲରାଉଣ୍ଡର ଅର୍ଜୁନ ତେନ୍ଦୁଲକରଙ୍କୁ କୁକୁର କାମୁଡିଛି । ଲକ୍ଷ୍ନୌ ସୁପର ଜାଏଣ୍ଟସ ଟ୍ବିଟର ହ ନିଜେ ଅର୍ଜୁନ ତାଙ୍କୁ କୁକୁର କାମୁଡିଥିବା କହିଛନ୍ତି । ଅର୍ଜୁନଙ୍କ ଆଙ୍ଗୁଠିକୁ କୁକୁର କାମୁଡି ଥିବା ଦେଖିବାକୁ ମିଳିଛି ।
-
Mumbai se aaya humara dost. 🤝💙 pic.twitter.com/6DlwSRKsNt
— Lucknow Super Giants (@LucknowIPL) May 15, 2023 " class="align-text-top noRightClick twitterSection" data="
">Mumbai se aaya humara dost. 🤝💙 pic.twitter.com/6DlwSRKsNt
— Lucknow Super Giants (@LucknowIPL) May 15, 2023Mumbai se aaya humara dost. 🤝💙 pic.twitter.com/6DlwSRKsNt
— Lucknow Super Giants (@LucknowIPL) May 15, 2023
ଲକ୍ଷ୍ନୌ ସୁପର ଜାଏଣ୍ଟସ ଟ୍ବିଟରରେ ଅର୍ଜୁନଙ୍କୁ କୁକୁର କାମୁଡିଥିବାର ଖବର ସୂଚନା ମିଳିଛି । ଭିଡିଓରେ ଦେଖିବାକୁ ମିଳିଛି କି ଅର୍ଜୁନ ତେନ୍ଦୁଲକର ଲକ୍ଷ୍ନୌର ଅଟଳ ବିହାରୀ ବାଜପେୟୀ ଷ୍ଟାଡିୟମରେ ସାଥୀଙ୍କୁ ଭେଟିଥିଲେ । ଏହି ସମୟରେ ସାଥୀ ଖେଳାଳି ତାଙ୍କୁ ପଚାରିଥିଲେ କି ଆଙ୍ଗୁଠିରେ କଣ ହୋଇଛି ସେହି ସମୟରେ ତାଙ୍କୁ କୁକୁର କାମୁଡିଥିବା କହିଛନ୍ତି । ଅର୍ଜୁନଙ୍କୁ ବିଶେଷ ଆଘାତ ଲାଗି ନାହିଁ । ତାଙ୍କ ବାମ ହାତ ଅଙ୍ଗୁଠିକୁ କୁକୁର କାମୁଡି ଦେଇଛନ୍ତି । ଗତକାଲି(ସୋମବାର) ଲକ୍ଷ୍ନୌ ଓ ମୁମ୍ବାଇ ଅଟଳ ବିହାରୀ ବାଜପେୟୀ ଷ୍ଟାଡିୟମରେ ଅଭ୍ୟାସ କରୁଥିଲେ । ମୁମ୍ବାଇ ଦଳ ଏକ ହୋଟେଲରେ ରହିଛନ୍ତି ।
ତେବେ ଅର୍ଜୁନଙ୍କୁ କୁକୁର ଷ୍ଟାଡିୟମରେ କାମୁଡିଛି କି ବାହାରେ ସେ ନେଇ କୌଣସି ସୂଚନା ମିଳିନାହିଁ । ଭିଡିଓ ଭାଇରାଲ ହୋଇଥିଲେ ସୁଦ୍ଧା କୌଣସି ସ୍ପଷ୍ଟ ସୂଚନା ମିଳିନାହିଁ । ଆଜି(ମଙ୍ଗଳବାର) ଲକ୍ଷ୍ନୌ ସୁପର ଜାଏଣ୍ଟସ ଓ ମୁମ୍ବାଇ ଇଣ୍ଡିଆନ୍ସ ମ୍ୟାଚ୍ ରହିଛି । ଚଳିତ ସିଜନରେ ମୁମ୍ବାଇ 12ଟି ମ୍ୟାଚ ଖେଳି 7ଟିରେ ବିଜୟ ହାସଲ କରିଛି । 14 ପଏଣ୍ଟ ସହ ଟେବୁଲ ତୃତୀୟ ସ୍ଥାନରେ ରହିଛି । ସେହିପରି ଲକ୍ଷ୍ନୌ 12ଟି ମ୍ୟାଚରୁ 6ଟି ମ୍ୟାଚ ଜିତି ଟେବୁଲର ଚତୁର୍ଥ ସ୍ଥାନରେ ରହିଛି ।
ଏହା ବି ପଢନ୍ତୁ....IPL 2023: ପୁଣି ଦଣ୍ଡିତ KKR କ୍ୟାପ୍ଟେନ, ଗଣିବେ 24 ଲକ୍ଷ ଫାଇନ
ପ୍ରକାଶ ଥାଉ କି, ଚଳିତ ଆଇପିଏଲ ସିଜନରେ ଅର୍ଜୁନ ମୁମ୍ବାଇ ଇଣ୍ଡିଆନ୍ସ ପକ୍ଷରୁ ପଦାର୍ପଣ କରିଥିଲେ । କେକେଆର ବିପକ୍ଷରେ ପ୍ରଥମ ଆଇପିଏଲ ମ୍ୟାଚ ଖେଳିଥିଲେ ଅର୍ଜୁନ । ମହାନ କ୍ରିକେଟ କିମ୍ବଦନ୍ତୀ ସଚିନ ତେନ୍ଦୁଲକର ମଧ୍ୟ 2008ରେ ମୁମ୍ବାଇ ଇଣ୍ଡିଆନ୍ସ ଦଳର ପ୍ରତିନିଧିତ୍ବ କରିଥିଲେ । ଅର୍ଜୁନ ଓ ସଚିନ ଆଇପିଏଲ ଖେଳିଥିବା ପ୍ରଥମ ପିତାପୁତ୍ର ଯୋଡି । ଡେବ୍ୟୁ ଆଇପିଏଲ ମ୍ୟାଚ୍ରେ ଅର୍ଜୁନ 2 ଓଭର ବୋଲିଂ କରି 17 ରନ ଦେଇଥିଲେ ।
