ମୁମ୍ବାଇ: ଇଣ୍ଡିଆନ ପ୍ରିମିୟର ଲିଗର ୨୨ତମ ମ୍ୟାଚ୍ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଓ ଚେନ୍ନାଇ ସୁପରକିଙ୍ଗ୍ସ ମଧ୍ୟରେ ଖେଳାଯାଉଛି । ପ୍ରଥମେ ବ୍ୟାଟିଂ କରିଥିବା CSK ନିର୍ଦ୍ଧାରିତ ୨୦ ଓଭରରେ ୪ ୱିକେଟ ହରାଇ ୨୧୬ ରନ୍ ସଂଗ୍ରହ କରିଛି । ଫଳରେ RCB ସାମ୍ନାରେ ୨୧୭ ରନ୍ର ବିଜୟ ଲକ୍ଷ୍ୟ ରହିଛି ।
ସୁପରକିଙ୍ଗ୍ସ ପକ୍ଷରୁ ଅଲରାଉଣ୍ଡର ଶିବମ ଦୁବେ ସର୍ବାଧିକ ୯୫ ରନ୍ର ବିସ୍ଫୋରକ ଇଂନିସ ଖେଳିଛନ୍ତି । ୪୬ ବଲ୍ରୁ ୫ଟି ଚୌକା ଓ ୮ଟି ଛକା ବଳରେ ୯୫ ରନ୍ର ଇଂନିସ ଖେଳି ମାତ୍ର ୫ ରନ୍ ପାଇଁ ଶତକରୁ ବଞ୍ଚିତ ହୋଇଛନ୍ତି । ସେହିପରି ରବିନ ଉଥାପ୍ପା ୫୦ ବଲ୍ରୁ ୪ଟି ଚୌକା ଓ ୯ଟି ଛକା ସହାୟତାରେ ୮୮ ରନ୍ର ଧୁଆଁଧାର ଇଂନିସ ଖେଳିଛନ୍ତି । ଋତୁରାଜ ଗାଏକ୍ବାଡ ୧୭ ଓ ମୋଇନ ଅଲୀ ୩ ରନ୍ କରି ଆଉଟ୍ ହୋଇଥିଲେ । କ୍ୟାପଟେନ ରବିନ୍ଦ୍ର ଜାଡେଜା ପ୍ରଥମ ବଲ୍ରେ ଆଉଟ୍ ହୋଇ ପାଭିଲିଅନ ଫେରିଥିଲେ । ଅନ୍ୟପଟେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ପକ୍ଷରୁ ୱାନିନ୍ଦୁ ହସରଙ୍ଗା ୨ଟି ଓ ଜସ ହେଜେଲଉଡ ଗୋଟିଏ ୱିକେଟ ହାତେଇଥିଲେ ।
