ନୂଆଦିଲ୍ଲୀ: ଧଳା ବଲ ବିଶ୍ବଯୁଦ୍ଧ ପରେ ନାଲି ବଲର ଲମ୍ବା ଟୁର୍ଣ୍ଣାମେଣ୍ଟ । ହ୍ୱାଇଟ୍ କ୍ରିକେଟର ଦୀର୍ଘତମ ଫର୍ମାଟ ଆଇସିସି ବିଶ୍ବ ଟେଷ୍ଟ ଚମ୍ପିଆନସିପ୍ । ଆସନ୍ତା ଅଗଷ୍ଟ 1ରୁ ଇଂଲଣ୍ଡ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯିବାକୁ ଥିବା ଆସେସ ସିରିଜରୁ ଏହାର ଶୁଭାରମ୍ଭ ହେଉଛି ।
ତେବେ କଣ ଏହି ବିଶ୍ବ ଟେଷ୍ଟ ଚମ୍ପିଆନସିପ? କେବେ ଏହାର ଆରମ୍ଭ ହୋଇଥିଲା? କେଉଁ କେଉଁ ଦଳ ଏଥିରେ ଖେଳିବେ? କେତେ ଦିନ ଧରି ଖେଳାଯିବ ଏହି ଟୁର୍ଣ୍ଣାମେଣ୍ଟ? କଣ ଏହାର ଉଦ୍ଦେଶ୍ୟ? କିଏ ହେବ ଏହାର ବିଜେତା ? କେମିତି କାଉଣ୍ଟ ହେବ ପଏଣ୍ଟ? ତେବେ ଏହି ସମସ୍ତ ପ୍ରଶ୍ନର ଉତ୍ତର ପାଇଁ ନଜର ପକାନ୍ତୁ ଆମର ଏହି ରିପୋର୍ଟ ଉପରେ-
କଣ ଏହି ବିଶ୍ବ ଟେଷ୍ଟ ଚମ୍ପିଆନସିପ? କଣ ଏହାର ଉଦ୍ଦେଶ୍ୟ?
ଦିନିକିଆ କ୍ରିକେଟ ପରି ଆଇସିସିର ସମସ୍ତ ଟେଷ୍ଟ ସିରିଜକୁ ଏକାଠି କରିବ ଏହି ବିଶ୍ବ ଟେଷ୍ଟ ଚମ୍ପିଆନସିପ । ଏହା ଆୟୋଜନ କରିବାର ଉଦ୍ଦେଶ୍ୟ ହେଉଛି ଅଧିକରୁ ଅଧିକ ଦ୍ବିପାକ୍ଷିକ ଟେଷ୍ଟ ସିରିଜ ଖେଳାବା ।
କେଉଁ କେଉଁ ଦଳ ଏଥିରେ ଖେଳିବେ?
ଯଦି ଆପଣ ଭାବୁଥାନ୍ତି ଆଇସିସି ଅଧିନରେ ଥିବା ସମସ୍ତ ଦଳ ଏଥିରେ ଭାଗ ନେବେ, ତେବେ ତାହା ଭୁଲ ଅଟେ । ନିକଟରେ ଜିମ୍ବାୱେକୁ ଆଇସିସି ଟୁର୍ଣ୍ଣାମେଣ୍ଟ ଖେଳିବାରୁ ବହିଷ୍କାର କରାଯାଇଛି । ସେହିପରି ଡେବ୍ୟୁ ଦଳ ଆୟାରଲ୍ୟାଣ୍ଡ ଓ ଆଫାଗାନିସ୍ତାନକୁ ଏହି ଟୁର୍ଣ୍ଣାମେଣ୍ଟର ଓପିନିଂ ସିଜିନରେ ଖେଳିବାକୁ ସୁଯୋଗ ମିଳି ନାହିଁ । ତେବେ ଆଇସିସି ଏହି ଟୁର୍ଣ୍ଣାମେଣ୍ଟକୁ ଏହି ପରି ଡିଜାଇନ କରିଛି । ଆଇସିସି ମାନ୍ୟତାର ଶ୍ରେଷ୍ଠ 9ଟି ଟିମ ଏହି ଚମ୍ପିଆନସିପରେ ଭାଗନେବେ । 2ବର୍ଷ ମଧ୍ୟରେ ଗୋଟିଏ ଟିମ, କୌଣସି ଟିମ ବିପକ୍ଷରେ 6ଟି ଘରୋଇ ସିରିଜ ସହ ବିଦେଶ ଗସ୍ତ ସିରିଜ ମଧ୍ୟ ଖେଳିବ ।
କେତେ ଦିନ ଧରି ଖେଳାଯିବ ଏହି ଟୁର୍ଣ୍ଣାମେଣ୍ଟ?
ଆସନ୍ତା ଅଗଷ୍ଟ 1ରୁ ଇଂଲଣ୍ଡ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯିବାକୁ ଥିବା ଆସେସ ସିରିଜରୁ ଏହା ଆରମ୍ଭ ହୋଇ ଏପ୍ରିଲ 30 2021 ପର୍ଯ୍ୟନ୍ତ ଏହା ଚାଲିବା । ଅର୍ଥାତ୍ ପ୍ରାୟତଃ ଦୁଇ ବର୍ଷ ଧରି ଏହି ଟୁର୍ଣ୍ଣାମେଣ୍ଟ ଖେଳାଯିବା ।
କିଏ ହେବ ଏହାର ବିଜେତା ?
ତେବେ ଦୀର୍ଘ ଦୁଇ ବର୍ଷର ଲଢେଇ ପରେ ମାନ୍ୟତାର ଶୀର୍ଷରେ ସ୍ଥାନ ପାଇଥିବା 2ଟି ଟିମ ମଧ୍ୟରେ ଫାଇନାଲ ମୁକାବିଲା ଖେଳାଯିବ । ଫାଇନାଲ ମ୍ୟାଚ ଇଂଲଣ୍ଡର ଲର୍ଡ୍ସ ଗ୍ରାଉଣ୍ଡରେ ଜୁନ 2021ରେ ଖେଳାଯିବ । ଯଦି ଫାଇନାଲ ମ୍ୟାଚ ଟାଇ ଅବା ଡ୍ର ହୁଏ ତେବେ ମାନ୍ୟତାର ଶୀର୍ଷରେ ଥିବା ଦଳକୁ ବିଜେତା ଘୋଷଣା କରାଯିବା । ବିଜୟୀ ଦଳକୁ ଆଇସିସିର ଗଦା ଦିଆଯିବ । ସୂଚନାଥାଉକି, ଆଇସିସିର ବର୍ଷିକିଆ ମାନ୍ୟତାରେ ଭାରତୀୟ ଦଳ ଟପରେ ରହି ଟେଷ୍ଟ ଗଦା ଉଠାଇଛନ୍ତି ବିରାଟ କୋହଲି ।
କେମିତି କାଉଣ୍ଟ ହେବ ପଏଣ୍ଟ?
ତେବେ ପ୍ରତିଟି ଟେଷ୍ଟ ସିରିଜ ପାଇଁ 120 ପଏଣ୍ଟ ରହିଛି । ଫଳରେ ପ୍ରତି ମ୍ୟାଚ ପାଇଁ ପଏଣ୍ଟ ଅଙ୍କ ସିରିଜରେ ଥିବା ମ୍ୟାଚ ସଂଖ୍ୟାକୁ 120ରେ ହରଣ କରାଯିବା । ଯଦି ଗୋଟିଏ ଦଳ ସମସ୍ତ ମ୍ୟାଚ ଜିତିବାକୁ ସକ୍ଷମ ହେଉଛି । ତେବେ 2021 ଏପ୍ରିଲରେ ଦଳ ସର୍ବାଧିକ 720 ପଏଣ୍ଟ ସ୍କୋର କରିପାରିବ ।
| ସିରିଜର ମ୍ୟାଚ ସଂଖ୍ୟା | ବିଜୟ ପଏଣ୍ଟ | ଟାଇ ପଏଣ୍ଟ | ଡ୍ର ପଏଣ୍ଟ | ହାରିବା ପଏଣ୍ଟ |
| 2 | 60 | 30 | 20 | 0 |
| 3 | 40 | 20 | 13.3 | 0 |
| 4 | 30 | 15 | 10 | 0 |
| 5 | 24 | 12 | 8 | 0 |
କେବେ ଏହାର ଆରମ୍ଭ ହୋଇଥିଲା?
ଆଇସିସି ବିଶ୍ବ ଟେଷ୍ଟ ଚମ୍ପିଆନସିପ ଆୟୋଜନ କରିବା ନେଇ 2009ରୁ ଚିନ୍ତା କରୁଥିଲା ଆଇସିସି । ପୂର୍ବତନ ନ୍ୟୁଜିଲାଣ୍ଡ ଅଧିନାୟକ ମାର୍ଟିନ କ୍ରୋଏ ଏହି ଦୀର୍ଘତମ ଫର୍ମାଟ ପଛର ମାଷ୍ଟର ମାଇଣ୍ଡ ଅଟନ୍ତି । 2010ରେ ଆଇସିସି ଏହାକୁ ଯୋଜନାରେ ପରିଣତ କରିଥିଲା । ତେବେ 2013ରେ ଏହାର ପ୍ରଥମ ସଂସ୍କରଣ ଆରମ୍ଭ ପାଇଁ ଚିନ୍ତା କରାଯାଇଥିଲା । ମାତ୍ର ଏହା ସମ୍ଭବ ହୋଇନଥିଲା । ଏହାକୁ 2017କୁ ଘୁଞ୍ଚାଇ ଦିଆଗଲା । କିନ୍ତୁ ଏଥର ମଧ୍ୟ ଏହା ସମ୍ଭବ ହୋଇ ପାରିନଥିଲା । କାରଣ ଆଇସିସିର ନିୟମ ଅନୁସାରେ ପ୍ରତି ଫର୍ମାଟ ପାଇଁ ଗୋଟିଏ ଟ୍ରଫି ଉଦ୍ଦିଷ୍ଠ ରହିବ । ଫଳରେ ବିଶ୍ବ ଟେଷ୍ଟ ଚମ୍ପିଆନସିପ ପାଇଁ ଚାମ୍ପିଅନ୍ସ ଟ୍ରଫିକୁ ବନ୍ଦ କରିବାକୁ ଆଇସିସି କହିଥିଲା । ଯାହା କି ସମ୍ଭବ ନଥିଲା । ଫଳରେ ଏହାକୁ ବନ୍ଦ କରାଯାଇ 2017ରେ ଚାମ୍ପିଅନ୍ସ ଟ୍ରଫି ଖେଳାଗଲା । ତେବେ 2019ରେ ଏହାର ଯୋଜନାକୁ କାର୍ଯ୍ୟକ୍ଷମ କରଯାଇ ଖେଳ ଆରମ୍ଭ ହେବାକୁ ଯାଉଛି ।
ତେବେ ନଜର ପକାନ୍ତୁ ଆଇସିସି ବିଶ୍ବ ଟେଷ୍ଟ ଚମ୍ପିଆନସିପରେ ଭାରତର ଖେଳସୂଚୀ-
- 2019 ଜୁଲାଇ-ଅଗଷ୍ଟ: 2ଟି ଟେଷ୍ଟ ବନାମ ଓ୍ଵେଷ୍ଟଇଣ୍ଡିଜ(ବିଦେଶ ଗସ୍ତ)
- 2019 ଅକ୍ଟୋବର-ନଭେମ୍ବର: 3ଟି ଟେଷ୍ଟ ବନାମ ଦକ୍ଷିଣ ଆଫ୍ରିକା(ଘରୋଇ ସିରିଜ୍)
- 2019 ନଭେମ୍ବର- 2ଟି ଟେଷ୍ଟ ବନାମ ବାଂଲାଦେଶ(ଘରୋଇ ସିରିଜ)
- 2020ଫେବୃଆରୀ- 2ଟି ଟେଷ୍ଟ ବନାମ ନ୍ୟୁଜିଲାଣ୍ଡ(ବିଦେଶ ଗସ୍ତ)
- 2020ଡିସେମ୍ବର- 4ଟି ଟେଷ୍ଟ ବନାମ ଅଷ୍ଟ୍ରେଲିଆ(ବିଦେଶ ଗସ୍ତ)
- 2021 ଜାନୁଆରୀ-ଫେବୃଆରୀ- 5ଟି ଟେଷ୍ଟ ବନାମ ଇଂଲଣ୍ଡ(ଘରୋଇ ସିରିଜ୍)
ଅନ୍ୟଦେଶର ଖେଳସୂଚୀ-
- ଅଗଷ୍ଟ-ସେପ୍ଟମ୍ବର 2019- ୱେଷ୍ଟଇଣ୍ଡିଜ (ବିଦେଶରେ)-2ଟି ଟେଷ୍ଟ
- ଅକ୍ଟୋବର2019- ଦକ୍ଷିଣ ଆଫ୍ରିକା(ନିଜଦେଶରେ)-3ଟି ଟେଷ୍ଟ
- ନଭେମ୍ବର 2019- ବାଂଲାଦେଶ(ନିଦଦେଶରେ)-2ଟି ଟେଷ୍ଟ
- ଫେବ୍ରୁୟାରୀ-ମାର୍ଚ୍ଚ 2020- ନ୍ୟୁଜିଲାଣ୍ଡ(ବିଦେଶରେ)-2ଟି ଟେଷ୍ଟ
- ନଭେମ୍ବର2020-ଜାନୁୟାରୀ 2021- ଅଷ୍ଟ୍ରେଲିଆ(ନିଜଦେଶରେ)-4ଟି ଟେଷ୍ଟ
- ଜାନୁୟାରୀ-ମାର୍ଚ୍ଚ 2021-ଇଂଲଣ୍ଡ(ନିଜଦେଶରେ)-5ଟି ଟେଷ୍ଟ
