ପୁନେ: ଭାରତ ବିପକ୍ଷ ଦିନିକିଆ ସିରିଜର ଶେଷ ଦୁଇଟି ମ୍ୟାଚ ଖେଳିବେନି ଆହତ ଇଂଲଣ୍ଡ କ୍ୟାପଟେନ ଇଆନ ମୋର୍ଗାନ । ଏଥିସହ ଶୁକ୍ରବାର ଖେଳାଯିବାକୁ ଥିବା ଦ୍ବିତୀୟ ଦିନିକିଆରୁ ମଧ୍ୟ ବାଦ ପଡିଛନ୍ତି ସାମ ବିଲିଙ୍ଗ୍ସ । ମୋର୍ଗାନଙ୍କ ଅନୁପସ୍ଥିତିରେ ଜସ ବଟଲର ଇଂଲଣ୍ଡର ନେତୃତ୍ବ ଭାର ସମ୍ଭାଳିବେ । ଲିଆମ ଲିଭିଂଷ୍ଟୋନଙ୍କୁ ଦିନିକିଆ ଡେବ୍ୟୁ ପାଇଁ ସୁଯୋଗ ମିଳିଛି ।
ମହାରାଷ୍ଟ୍ର କ୍ରିକେଟ ଆସୋସିଏସନ ଷ୍ଟାଡିୟମରେ ଖେଳାଯାଇଥିବା ପ୍ରଥମ ଦିନିକିଆରେ ମୋର୍ଗାନ ଆହତ ହୋଇଥିଲେ । ହାତରେ 4ଟି ଷ୍ଟିଚ୍ ପଡିଥିବା ମଧ୍ୟ ଜଣାପଡିଛି ।
ଗୁରୁବାର ଟ୍ରେନିଂ ସମୟରେ ପରବର୍ତ୍ତୀ ମ୍ୟାଚ ଖେଳିବାକୁ ପ୍ରସ୍ତୁତ ନୁହଁନ୍ତି ବୋଲି ଜଣାପଡିବା ପରେ ବଟଲରଙ୍କ ଉପରେ କ୍ୟାପଟେନ ଦାୟିତ୍ବ ନ୍ୟସ୍ତ କରିଛି ଇଂଲଣ୍ଡ କ୍ରିକେଟ ବୋର୍ଡ ।
ବ୍ୟୁରୋ ରିପୋର୍ଟ, ଇଟିଭି ଭାରତ
