ମୁମ୍ବାଇ: ସୁପରଷ୍ଟାର ଶାହରୁଖ ଖାନ ପାଖାପାଖି ଦୁଇ ବର୍ଷ ପରେ ଅଭିନୟ ଦୁନିଆକୁ ଫେରିଛନ୍ତି । ସେ ଶେଷଥର ଫ୍ଲପ୍ ଫିଲ୍ମ ‘ଜିରୋ’ରେ ନଜର ଆସିଥିଲେ । ଏହାପରଠୁ ସେ କୌଣସି ଫିଲ୍ମରେ ସାଇନ କରିନଥିଲେ । ହେଲେ ନିକଟରେ ସେ ବିଗ ବଜେଟ ଫିଲ୍ମ ‘ପଠାନ’ରେ ସାମିଲ ହେବା ଚର୍ଚ୍ଚା ଜୋର ଧରିଥିଲା । ଆଉ ସୁଟିଂ ମଧ୍ୟ କିଛି ଦିନ ପୂର୍ବରୁ ଆରମ୍ଭ କରିଛନ୍ତି ସେ । ମୁମ୍ବାଇରେ ବର୍ତ୍ତମାନ ଏହାର ସୁଟିଂ ଚାଲିଛି । ହେଲେ ଇତିମଧ୍ୟରେ ଶୁଣିବାକୁ ମିଳୁଛି ଯେ ଫିଲ୍ମର ଆଗାମୀ ଆକ୍ସନ ସୁଟ ପାଇଁ ଶାହରୁଖ ଆବୁଧାବିର ଯାତ୍ରା କରିବେ ।
ଆସନ୍ତା ବର୍ଷ ଆରମ୍ଭରେ ଅବୁଧାବି ଯିବାରେ ପ୍ଲାନି କରିଛନ୍ତି ମେକର୍ସ । ଆଉ ସେହିଠାରେ ଶାହରୁଖଙ୍କ ସହ ଜନ ଅବ୍ରାହିମ ଓ ଦୀପିକା ପାଦୁକୋନ ସୁଟିଂରେ ଯୋଗ ଦେବେ । ଚର୍ଚ୍ଚା ଜୋର ଧରିଛି ଯେ ଆବୁଧାବିର ମରୁଭୂମିରେ ମେକର୍ସ ଫିଲ୍ମର ଆକ୍ସନ ସିନ ସୁଟ କରିବେ । ଯାହା ପାଇଁ କଡା ପରିଶ୍ରମ କରୁଛନ୍ତି ଶାହରୁଖ ।
ସେହପରି ଅବୁଧାବି ପରେ ଏହାର ସୁଟି ୟୁକେରେ କରିବେ ମେକର୍ସ । ଆଉ ଆସନ୍ତା ବର୍ଷ ଜୁଲାଇ ମଧ୍ୟରେ ସୁଟିଂ ଶେଷ କରି ଫିଲ୍ମ ରିଲିଜ କରିବାକୁ ପ୍ରସ୍ତୁତ କରାଯିବ । ଖାଲି ଏତିକି ନୁହେଁ ଏହା ମଧ୍ୟ ଚର୍ଚ୍ଚାର ବିଷୟ ପାଲଟିଛି ଯେ ଶାହରୁଖ ଏହି ଫିଲ୍ମ ପାଇଁ କୌଣସି ଫିସ୍ ମଧ୍ୟ ନେବେ ନାହଁ ।
ପ୍ରକାଶ ଥାଉକି ‘ପଠାନ’ରେ ବଲିଉଡର ଫେମସ ତିନି ଖାନଙ୍କୁ ଦେଖିବାକୁ ମିଳିବ । ନିକଟରେ ଘୋଷଣା ହୋଇଥିଲା ସଲମାନ ଖାନ ଓ ଆମୀର ଖାନ ଅତିଥି ଅଭିନେତା ରୂପେ ଫିଲ୍ମରେ ନଜର ଆସିବେ ।
