ମୁମ୍ବାଇ: କୋଟି କୋଟି ହୃଦୟରେ ରାଜ କରୁଥିବା ସୁପରଷ୍ଟାର ଶାହରୁଖ ଖାନ ଆଉ ଦୁଇଦିନ ପରେ 55 ବର୍ଷରେ ପଦାର୍ପଣ କରିବାକୁ ଯାଉଛନ୍ତି । ଯାହାକୁ ନେଇ ଏକ୍ସାଇଟେଡ ଫ୍ୟାନ୍ସ । ସବୁ ବର୍ଷ ନିଜ ଫେଭରେଟ ଆକ୍ଟରଙ୍କୁ ଜନ୍ମଦିନରେ ଶୁଭେଚ୍ଛା ଦେବା ପାଇଁ ମନ୍ନତ ପାଖରେ ଜମିଥାଏ ଭିଡ । ହେଲେ ଏଥର ଶାହରୁଖ ପ୍ରଶଂସାକଙ୍କୁ ଅନୁରୋଧ କରୁଛନ୍ତି ନିଜ ଘରୁ ନବାହାରିବା ପାଇଁ । କାରଣ ବିଶ୍ବ ବର୍ତ୍ତମାନ ଭୟାନକ ମହାମାରୀ କୋରୋନା ସହ ଲଢୁଛି । ଏଥିପାଇଁ ସେ ଚାହୁଁଛନ୍ତି ତାଙ୍କ ପ୍ରଶଂସକ ସଂକ୍ରମଣରୁ ଦୂରେଇ ରହିବା ସହ ଏହାକୁ ରୋକିବାରେ ସରକାରଙ୍କୁ ସାହାଯ୍ୟ ଓ ନିଜର ଧ୍ୟାନ ରଖିବା ଉଚିତ ।
ହେଲେ ତାଙ୍କ ଫ୍ୟାନ୍ସ କେଉଁ ଚୁପ ରହିବା ଲୋକ । ସେମାନେ ମଧ୍ୟ ଏକ ଯୋଜନା କରିସାରିଲେଣି । ଯାହାକୁ ନେଇ ବର୍ତ୍ତମାନ ଚର୍ଚ୍ଚା ।
ଶୁଣିବାକୁ ମିଳୁଛି ଯେ ଏକ ଫ୍ୟାନ କ୍ଲବ ଯୋଜନା କରିଛି ଯେ ଶାହରୁଖଙ୍କ ଜନ୍ମଦିନ ଦୁନିଆରେ ଭର୍ଚୁଆଲ ରୂପେ ପାଳନ କରିବା ଉଚିତ । ଏହାର ଆରମ୍ଭ ନଭେମ୍ବର 2 ସକାଳୁ ହୋଇ ରାତିରେ ଶେଷ କରିବ । ଏହା ଦ୍ବାରା ଶାହରୁଖ ଦେଶ, ବିଦେଶରେ ଥିବା ଫ୍ୟାନ୍ସଙ୍କୁ ଅନଲାଇନ ଭେଟିପାରିବେ ।
