ହାଇଦ୍ରାବାଦ: ବଲିଉଡର ଦବଙ୍ଗ ଅର୍ଥାତ୍ ସଲମାନ ଖାନ ଫିଲ୍ମ ଇଣ୍ଡଷ୍ଟ୍ରିର ଗଡଫାଦର | 27 ଡିସେମ୍ବରରେ ସଲମାନ ତାଙ୍କର 56 ତମ ଜନ୍ମଦିନ ପାଳନ କରୁଛନ୍ତି | ସଲମାନଙ୍କ ପ୍ରଶଂସକଙ୍କ ପାଇଁ ଗୋଟିଏ ଖରାପ ଏବଂ ଖୁସି ଖବର ହେଉଛି ତାଙ୍କ ଜନ୍ମଦିନର ଗୋଟିଏ ଦିନ ପୂର୍ବରୁ ସଲମାନଙ୍କୁ ସାପ କାମୁଡ଼ି ଥିଲା। ଖୁସି ଖବର ହେଉଛି କି ସଲମାନଙ୍କ ସ୍ବାସ୍ଥ୍ୟ ଅବସ୍ଥା ବର୍ତ୍ତମାନ ଭଲ ଅଛି ଏବଂ ସେ ଘରେ ବିଶ୍ରାମ ନେଉଛନ୍ତି। ବଲିଉଡର 'ଭାଇ'ଙ୍କର 56 ତମ ଜନ୍ମଦିନ ଅବସରରେ, ଆମେ ତାଙ୍କ ସହ ଜଡିତ କିଛି ରୋଚକ ତଥ୍ୟ ବିଷୟରେ ଜାଣିବା...
ସଲମାନ ଖାନଙ୍କ ପ୍ରକୃତ ନାମ ଅବ୍ଦୁଲ ରଶୀଦ ସଲୀମ ସଲମାନ ଖାନ୍ । ଏହି ନାଁ ତାଙ୍କ ପିତା ସଲୀମ ଖାନ୍ ଏବଂ ଦାଦା ଅବ୍ଦୁଲ ରଶୀଦ ଖାନଙ୍କ ଏକାଠି ହୋଇ ଦେଇଛନ୍ତି ।
ସଲମାନ ଖାନ କେବଳ ଦ୍ବାଦଶ ଶ୍ରେଣୀ ପର୍ଯ୍ୟନ୍ତ ଅଧ୍ୟୟନ କରିଛନ୍ତି | ସେ ପିଲାଦିନେ ବହୁତ ବଦମାସ ଥିଲେ ଏବଂ ପ୍ରତିଦିନ ସ୍କୁଲ ଏବଂ ଘରୁ ଅଭିଯୋଗ ଆସୁଥିଲା | ସଲମାନ ଖାନ ତାଙ୍କ କଲେଜ ଅଧ୍ୟୟନ ଅଧାରୁ ଛାଡିଥିଲେ | କଲେଜ ଛାଡିବା ପରେ, ଫିଲ୍ମ ଇଣ୍ଡଷ୍ଟ୍ରିରେ ପ୍ରବେଶ କରିବାକୁ ମନ ବଳାଇଲେ ।
ସଲମାନ ଖାନ ଫିଲ୍ମ 'ଫଲକ' (1988) ସହିତ ସହକାରୀ ନିର୍ଦ୍ଦେଶକ ଭାବରେ ତାଙ୍କର ଚଳଚ୍ଚିତ୍ର ଜୀବନ ଆରମ୍ଭ କରିଥିଲେ |
ଏହା ପରେ ସଲମାନ ଫିଲ୍ମ ଇଣ୍ଡଷ୍ଟ୍ରିରେ କାମ ଖୋଜିବା ପାଇଁ ସଂଘର୍ଷ କରିଥିଲେ ଏବଂ ସେ ସେହି ସମୟରେ ଫିଲ୍ମ 'ବିବି ହୋ ତୋ ଏସି'ର ନିର୍ଦ୍ଦେଶନା ଦେଉଥିବା ନିର୍ଦ୍ଦେଶକ ଜେ.କେ ବିହାରୀଙ୍କ ନିକଟରେ ପହଞ୍ଚିଥିଲେ। ଯେତେବେଳେ ସଲମାନ ସହକାରୀ ନିର୍ଦ୍ଦେଶକଙ୍କ ଚାକିରି ମାଗିବାକୁ ଯାଇଥିଲେ, ସେତେବେଳେ ସଲମାନଙ୍କ ଯୁବ ଚେହେରା ଦେଖି ନିର୍ଦ୍ଦେଶକ ତାଙ୍କୁ ଏହି ଚଳଚ୍ଚିତ୍ରରେ ଏକ ଭୂମିକା ଦେଇଥିଲେ |
କୁହାଯାଏ ଯେ ସଲମାନ କାମ ମାଗିବା ପାଇଁ ତାଙ୍କ ପିତା ସଲିମ ଖାନଙ୍କ ନାମ କେବେବି ବ୍ୟବହାର କରିନଥିଲେ, କାରଣ ଭାଇ ବିଶ୍ବାସ କରନ୍ତି ଯେ, ନିଜ ଗୋଡରେ ନିଜେ ଠିଆ ହେବା ଦରକାର।
ସଲମାନ ଖାନ ଅନେକ ସ୍ଥାନରେ ତାଙ୍କର ପୋର୍ଟଫୋଲିଓ ବିସ୍ତାର କରି ରଖିଥିଲେ | ଏଭଳି ପରିସ୍ଥିତିରେ ସଲମାନ ଖାନଙ୍କ ପୋର୍ଟଫୋଲିଓରେ ପ୍ରସିଦ୍ଧ ଚଳଚ୍ଚିତ୍ର ନିର୍ଦ୍ଦେଶକ ସୁରଜ ବଡଜାତ୍ୟାଙ୍କ ଆଖି ପଡିଯାଇଥିଲା ଏବଂ ସେ ସଲମାନଙ୍କୁ ଅଫିସକୁ ଡାକିଥିଲେ। ସେତେବେଳେ ସୁରଜ ଅଭିନେତା ଦୀପକ ତିଜୋରୀ ଏବଂ ପୀୟୁଷ ମିଶ୍ରକଙ୍କୁ ଫିଲ୍ମ 'ମେନେ ପ୍ୟାର୍ କିୟା' ତାଲିକାରେ ରଖିଥିଲେ, କିନ୍ତୁ ଶେଷରେ ଫିଲ୍ମଟି ସଲମାନଙ୍କ ଭାଗ୍ୟରେ ପଡିଥିଲା।
ପରେ ସଲମାନ ଖାନଙ୍କୁ ଫିଲ୍ମ 'ବାଜୀଗର'ରେ ଅଫର ମିଳିଥିଲା । ମାତ୍ର ସଲମାନ ଖାନ ନେଗେଟିଭ ରୋଲ୍ କରିବାକୁ ମନା କରିଥିଲେ ଏବଂ ଶାହାରୁଖଙ୍କ ହାତରେ ପଡିଥିଲା । ପରେ ଫିଲ୍ମଟି ବ୍ଲକବ୍ଲଷ୍ଟର ପ୍ରମାଣିତ ହୋଇଥିଲା ।
ସଲମାନ ଖାନ ଯେଉଁ ବ୍ରେସଲେଟ ପିନ୍ଧନ୍ତି, ତାହା ତାଙ୍କ ପିତା ସଲୀମ ଖାନ୍ ୨୦୦୨ରେ ଦେଇଥିଲେ । ସଲମାନ ଖାନଙ୍କ ହାତରେ ଆଜି ବି ସେହି ବ୍ରେସଲେଟ ଅଛି । ସେ ଏହାକୁ ନିଜର ଲକି ଚାର୍ମ ମାନନ୍ତି ।
ଫିଲ୍ମ ବ୍ୟତୀତ ସଲମାନ ଖାନଙ୍କୁ ପେଟିଂ କରିବାର ସଉକ ରହିଛି । ତାଙ୍କ ପେଟିଂକୁ ଅମିର ଖାନ ମଧ୍ୟ କିଣିଛନ୍ତି ।
ସଲମାନ ଖାନ ବଲିଉଡର ସେହି ପ୍ରଥମ ସୁପରଷ୍ଟାର, ଯାହାଙ୍କର ୪ଟି ଫିଲ୍ମ ୩୦୦ କୋଟି ପାର୍ କରିଛି । ଏଥିରେ ବଜରଙ୍ଗୀ ଭାଇଜାନ୍, କିକ୍, ସୁଲତାନ୍, ପ୍ରେମ୍ ରତନ୍ ଧନ ପାୟୋ ରହିଛି ।
ସଲମାନ ମଧ୍ୟ ଗୀତ ଗାଆନ୍ତି ଏବଂ ଚଳଚ୍ଚିତ୍ର ମଧ୍ୟ ଲେଖନ୍ତି | ସଲମାନ ନିଜେ ବାଗୀ, ଚନ୍ଦ୍ରମୁଖୀ ଏବଂ ଭୀର ଚଳଚ୍ଚିତ୍ର ଲେଖିଛନ୍ତି।
ସଲମାନ ଖାନ ଦାନ ମଧ୍ୟ କରନ୍ତି। 2007 ରେ, ସେ ନିଜର ଏକ ଏନଜିଓ ବିଙ୍ଗ୍ ହ୍ୟୁମାନ୍ ଆରମ୍ଭ କରିଥିଲେ | ଏଠାରେ ସ୍ବାସ୍ଥ୍ୟ ଏବଂ ଶିକ୍ଷା ସମ୍ବନ୍ଧୀୟ ଆବଶ୍ୟକତା ପୂରା କରାଯାଏ | ସୂଚନାଯୋଗ୍ୟ ଯେ ବର୍ତ୍ତମାନ ପର୍ଯ୍ୟନ୍ତ ସଲମାନଙ୍କ ଏନଜିଓ 700 ରୁ ଅଧିକ ହୃଦୟ ଅସ୍ତ୍ରୋପଚାରର ଖର୍ଚ୍ଚ ବହନ କରିଛି।
ଫିଲ୍ମ 'ଦବଙ୍ଗ' ସମୟରେ କ୍ଲାଇମାକ୍ସ ସିନରେ ସଲମାନଙ୍କ ଦ୍ବାରା ଭୁଲରେ ଫିଲ୍ମରେ ଭିଲେନ୍ ଭୂମିକାରେ ନଜର ଆସିଥିବା ସୋନୁ ସୁଦଙ୍କ ନାକରେ ଏକ ପଞ୍ଚ ଲାଗିଯାଇଥିଲା, ଏହି ଦୁର୍ଘଟଣାରେ ସୋନୁଙ୍କ ନାକ ଭାଙ୍ଗି ଯାଇଥିଲା। ଏହି ଭୁଲ ପାଇଁ ସଲମାନ ସୋନୁଙ୍କୁ କ୍ଷମା ମାଗିଥିଲେ ।
ସଲମାନ ଖାନ ହେଉଛନ୍ତି ଏକମାତ୍ର ବଲିଉଡ ଅଭିନେତା ଯିଏକି ଚଳଚ୍ଚିତ୍ରରେ ସର୍ବାଧିକ ଗେଷ୍ଟ ଭୂମିକାରେ ଅଭିନୟ କରିଛନ୍ତି। ସଲମାନ କହିଛନ୍ତି ଯେ ଯଦି ତାଙ୍କର ପାଞ୍ଚ ମିନିଟର ରୋଲରୁ ଚଳଚ୍ଚିତ୍ରଟି ହିଟ୍ ହୋଇଯାଏ, ତେବେ ସେ ଏହା କରିବାକୁ ପ୍ରସ୍ତୁତ ଅଟନ୍ତି।
ସଲମାନ ଖାନଙ୍କୁ 30 ବର୍ଷର ଲମ୍ବା ଏବଂ ହିଟ୍ କ୍ୟାରିଅର ଭିତରେ କେବେ ବି ଶ୍ରେଷ୍ଠ ଅଭିନେତା ଭାବରେ ଫିଲ୍ମଫେୟାର ପୁରସ୍କାର ମିଳିନାହିଁ ।
