ବ୍ରହ୍ମପୁର: କେ.ନୂଆଗାଁ ପୋଲିସକୁ ବଡ ସଫଳତା । ଦୁର୍ଦ୍ଦାନ୍ତ ଅପରାଧୀ ଠେସା କାଳିଆ ଓରଫ କେଶବ କୁଣ୍ଡକୁ ଗିରଫ କରିଛି କେ.ନୂଆଗାଁ ଥାନା ପୋଲିସ । ଗତ ଅଗଷ୍ଟ 17 ତାରିଖରେ ହୋଇଥିବା ଏକ ମାମଲାକୁ ନେଇ ପୋଲିସ ଠେସାକୁ ଗିରଫ କରିଛି ।
ଆର୍ମସ ଆକ୍ଟ ଭଳି ଦଫାରେ ତାକୁ ଗିରଫ କରି କୋର୍ଟଚାଲାଣ କରାଯାଇଛି । ଗିରଫ କେଶବ କୁଣ୍ଡ ନାମରେ ପୂର୍ବରୁ 12ଟି ମାମଲା ରହିଥିବା ବ୍ରହ୍ମପୁର ପୋଲିସ ମୁଖ୍ୟାଳୟ ପକ୍ଷରୁ ସୋସିଆଲ ମିଡିଆ ମାଧ୍ୟମରେ ସୂଚନା ଦିଆଯାଇଛି ।
ତେବେ ପୂର୍ବରୁ ଏକ ହତ୍ୟା ମାମଲାରେ ବ୍ରହ୍ମପୁର ପୋଲିସ ଠେସା କାଳିଆକୁ ଧରିବା ପାଇଁ କ୍ଲିନ୍ କ୍ରାଇମ୍ ଅଭିଯାନ ସମୟରେ ଏନକାଉଣ୍ଟର କରିଥିବାର ନଜର ରହିଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
