ୱାଶିଂଟନ: ନ୍ୟାୟ ପାଇଁ କୋର୍ଟରେ ଲଢିବ ରୋବୋର୍ଟ (Robot Lawyer) । କୋର୍ଟ କଚେରୀ ମାମଲାରେ ଓକିଲଙ୍କୁ ଧରିବା ଅନେକ ଲୋକଙ୍କ ପାଇଁ ବ୍ୟୟବହୁଳ ହୋଇଥାଏ । ଏଣିକି ଓକିଲଙ୍କ ସ୍ଥାନ ନେବ ରୋବୋର୍ଟ । ରୋବୋ ଓକିଲ କୋର୍ଟରେ ମାମଲା ଉପସ୍ଥାପନ କରିବେ ( Robot Lawyer to Defend a Human in Court ) । କଥାଟା ବିଶ୍ବାସ ନହେଲେ ବି ସତ । ଆମେରିକାରେ ଆଗାମୀ ମାସ ଠାରୁ ଏହା ବାସ୍ତବରେ ପରିଣତ ହେବାକୁ ଯାଉଛି । ଆସନ୍ତା ଫେବୃୟାରୀରେ କୋର୍ଟରେ ଏକ ମାମଲାର ଶୁଣାଣିରେ ଡୁନଟ୍ପେ ( DoNotPay ) କମ୍ପାନୀ ଦ୍ବାରା ପ୍ରସ୍ତୁତ ଆର୍ଟିଫିସିଆଲ ଇଣ୍ଟେଲିଜେନ୍ସ (Artificial Intelligence) ଠାରୁ ଜଣେ ଅଭିଯୁକ୍ତ ଉପଦେଶ ଗ୍ରହଣ କରିବେ ।
ଏହା ମଧ୍ୟ ପଢ଼ନ୍ତୁ: Sqn Leaders Bhavna Kanth: ବିଦେଶ ମାଟିରେ ଫାଇଟର ଜେଟ ଉଡାଇବେ ଭାରତୀୟ ଝିଅ
ପ୍ରଥମ ଥର ପାଇଁ କୋର୍ଟର ଏକ ପକ୍ଷକୁ କୃତ୍ରିମ ବୁଦ୍ଧିମତା ପ୍ରତିନିଧିତ୍ବ କରିବ । ବୈଜ୍ଞାନିକଙ୍କ କହିବା ଅନୁଯାୟୀ, କୃତ୍ରିମ ବୁଦ୍ଧିମତା ସମ୍ପନ୍ନ ରୋବୋର୍ଟ ଏକ ସ୍ମାର୍ଟଫୋନରେ ଚାଲିବ । କୋର୍ଟ ଶୁଣାଣି ପରେ ଇୟରସିପ ମାଧ୍ୟମରେ ଦୋଷୀକୁ କଣ କହିବାକୁ ହେବ, ତାହା ନିର୍ଦ୍ଦେଶ ଦେବ । ତେବେ ରୋବୋର୍ଟ ବିକଶିତ କରିଥିବା ଡୁନଟ୍ପେ କମ୍ପାନୀ କୋର୍ଟ ଏବଂ ଦୋଷୀ ସମ୍ପର୍କରେ କୌଣସି ଖୁଲାସା ହୋଇନାହିଁ । 2015ରେ କାଲିଫର୍ଣ୍ଣିଆ ଠାରେ ଷ୍ଟାନଫୋର୍ଡ ବିଶ୍ବବିଦ୍ୟାଳୟର କମ୍ପ୍ୟୁଟର ବୈଜ୍ଞାନିକ ଜୋଶୁଆ ବ୍ରାଉଡର ( Computer Scientist Joshua Browder) ଡୁନଟ୍ପେ କମ୍ପାନୀ ପ୍ରତିଷ୍ଠା କରିଥିଲେ ।
ଏହା ମଧ୍ୟ ପଢ଼ନ୍ତୁ: ପୁଣି ୟୁକ୍ରେନକୁ ସହାୟତାର ହାତ ବଢାଇଲା ଆମେରିକା, ଦେବ ୩ ବିଲିୟନ ଡଲାର
ନ୍ୟାୟ ଲଢୁଥିବା ବ୍ୟକ୍ତିଙ୍କୁ ଖର୍ଚ୍ଚାନ୍ତରୁ ମୁକ୍ତ କରିବା ଉଦ୍ଦେଶ୍ୟରେ ସେ ଆପ ବିକଶିତ କରିଛନ୍ତି । ଯାହା ଓକିଲଙ୍କ ସ୍ଥାନ ନେବ ବୋଲି ସେ ଆଶା ପ୍ରକାଶ କରିଛନ୍ତି । କମ୍ପାନୀ ଦାବି କରିଛି ଯେ, ଡୁନଟ୍ପେ ଆପ ହେଉଛି ବିଶ୍ବର ପ୍ରଥମ ରୋବୋ ଓକିଲ ସଂସ୍ଥା । କର୍ପୋରେସନ ସହ ଝଗଡ଼ା, ଉପଯୁକ୍ତ ଦୋଷୀକି ଦୋଷୀ ଭାବେ ପ୍ରମାଣିତ କରିପାରିବ । ଏଥିସବୁ ପାଇଁ ଗୋଟିଏ ବଟନ ଦବାଇବାକୁ ପଡ଼ିବ ।
