ୱାଶିଂଟନ: ଆମେରିକା ଉପରାଷ୍ଟ୍ରପତି କମଲା ହାରିସ ମଙ୍ଗଳବାର ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ସ୍କଟ୍ ମୋରିସନଙ୍କ ସହ କଥା ହୋଇଛନ୍ତି । ଜଳବାୟୁ ପରିବର୍ତ୍ତନ, ଚୀନ ଏବଂ ମିଆଁମାର ସମେତ ବିଶ୍ବ ତଥା ଆଞ୍ଚଳିକ ଆହ୍ବାନ ଉପରେ ସହଯୋଗ ନେଇ ଆଲୋଚନା କରିଛନ୍ତି। ହ୍ବାଇଟ ହାଉସର ବିବୃତ୍ତିରେ କୁହାଯାଇଛି ଯେ ଉଭୟ ନେତା ଆମେରିକା-ଅଷ୍ଟ୍ରେଲିଆ ଗଠନର ଶକ୍ତିକୁ ନିଶ୍ଚିତ କରିଛନ୍ତି।
ହ୍ବାଇଟ ହାଉସର ରିଡଆଉଟରେ କୁହାଯାଇଛି ଯେ ଉପରାଷ୍ଟ୍ରପତି ଓ ପ୍ରଧାନମନ୍ତ୍ରୀ ବିଶ୍ବ ତଥା ଆଞ୍ଚଳିକ ଆହ୍ବାନ ଉପରେ ଜଳବାୟୁ ପରିବର୍ତ୍ତନ, ଚୀନ୍, ବର୍ମା ଏବଂ ଅନ୍ୟାନ୍ୟ ଆଞ୍ଚଳିକ ପ୍ରସଙ୍ଗ ଉପରେ ଅଧିକ ସହଯୋଗ ପାଇଁ ସୁଯୋଗ ଉପରେ ଆଲୋଚନା କରିଛନ୍ତି। ଭାରତ-ପ୍ରଶାନ୍ତ ମହାସାଗରରେ ଆହୁରି ସହଯୋଗ କରିବାକୁ ଉଭୟ ନେତା ପ୍ରତିଶ୍ରୁତି ଦେଇଛନ୍ତି।
ମହାମାରୀରୁ ଅର୍ଥନୈତିକ ପୁନରୁଦ୍ଧାର ତଥା ବିଶ୍ବବ୍ୟାପୀ ଗଣତାନ୍ତ୍ରିକ ମୂଲ୍ୟବୋଧକୁ ଆଗକୁ ବଢାଇବାରେ ଅନ୍ୟ ସହଯୋଗୀଙ୍କ ସହ ମିଶି କାର୍ଯ୍ୟ କରିବାର ଗୁରୁତ୍ବ ଉପରେ ମଧ୍ୟ ସେମାନେ ସହମତ ହୋଇଥିଲେ। ଭାରତ-ପ୍ରଶାନ୍ତ ମହାସାଗର ବ୍ୟତିତ ଅନ୍ୟ କ୍ଷେତ୍ରରେ ମଧ୍ୟ ଆମେରିକା-ଅଷ୍ଟ୍ରେଲିଆ ସହଯୋଗକୁ ଉପରାଷ୍ଟ୍ରପତି ତଥା ପ୍ରଧାନମନ୍ତ୍ରୀ ପ୍ରତିଶ୍ରୁତି ଦେଇଥିଲେ। ଏହାପୂର୍ବରୁ କମଲା ହାରିସ୍ କାନାଡାର ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ଏବଂ ଫ୍ରାନ୍ସର ରାଷ୍ଟ୍ରପତି ଇମାନୁଏଲ୍ ମାକ୍ରୋନଙ୍କ ସହ କଥା ହୋଇଥିଲେ।
(ANI)
