ଓଟ୍ଟାୱା: କାନାଡାରେ ଆରମ୍ଭ ହେବାକୁ ଯାଉଛି ଅତିରିକ୍ତ ଖାଦ୍ୟ ସୁରକ୍ଷା ଯୋଜନା । 50ମିଲିୟନ କାନାଡିଆନ ଡଲାର ବିନିଯୋଗରେ କାର୍ଯ୍ୟକାରୀ ହେବାକୁ ଥିବା ଏହି ଯୋଜନାର ପ୍ରାରମ୍ଭିକ ପ୍ରକ୍ରିୟା ଆରମ୍ଭ ହୋଇଛି । କୋରୋନା ମହାମାରୀ ମଧ୍ୟରେ ଏହି ଯୋଜନା ନେଇ ଆଲୋଚନା କରାଯାଇଥିଲା । ଏହି ଯୋଜନା ନାମ ରହିଛି ‘ଫୁଡ ସରପ୍ଲସ ପରଚେଜ ପ୍ରୋଗ୍ରାମ’। ଗତମାସ ଏନେଇ ଘୋଷଣା ହେବା ପରେ କେଉଁ ସବୁ ଖାଦ୍ୟ ପଦାର୍ଥ ଏହି ଯୋଜନାଭୁକ୍ତ ହେବ ସେନେଇ ଆଶଙ୍କା ପ୍ରକାଶ କରିଥିଲେ କୃଷି ଓ ଏଗ୍ରି-ଖାଦ୍ୟ ମନ୍ତ୍ରୀ ମାରି-କ୍ଲାଉଡେ ବିବିୟୁ ।
କୋରୋନା ମହାମାରୀ ପାଇଁ ବର୍ତ୍ତମାନ ରେସ୍ତୋରାଁଗୁଡିକ ବନ୍ଦ ରହିଥିବାରୁ ଆଳୁ, ମାଂସ ଜାତୀୟ ଖାଦ୍ୟ ଓ ଛତୁ ଜାତୀୟ ଖାଦ୍ୟ ସବୁଠାରୁ ଅଧିକ ମାତ୍ରାରେ ନଷ୍ଟ ହେବାର ଆଶଙ୍କା ରହିଛି । ଏନେଇ ଦେଶରେ ଅନେକ ଖାଦ୍ୟ ଯୋଗାଣ ବ୍ୟବସାୟ ଅନେକ କ୍ଷତି ସହିବାକୁ ଥିବା ନେଇ ମଧ୍ୟ କୁହାଯାଇଛି । ଏମିତିରେ ସରକାରଙ୍କ ଦ୍ବାରା ଆରମ୍ଭ ହୋଇଥିବା ନୂଆ ଯୋଜନାରେ କେଉଁ ପ୍ରକାର ଖାଦ୍ୟକୁ ସୁରକ୍ଷା ଦେଇ ଉଦ୍ଧାର କରାଯିବ ତାହା ଏଯାବତ୍ ସ୍ପଷ୍ଟ ହୋଇନାହିଁ ।
ତେବେ ଏହି ୟୋଜନାରେ ବ୍ୟବହାର ହେବାକୁ ଥିବା ଅର୍ତ ରାଶିକୁ ପ୍ରାଥମିକ ସ୍ତରରେ ତିନି ଭାଗରେ ବିଭକ୍ତ କରାଯିବ । ଏଥିରୁ ଗୋଟିଏ ଭାଗ ହର୍ଟିକଲଚର ଖାଦ୍ୟ ଦ୍ରବ୍ୟ ଯଥା ଶସ୍ୟ, ପନିପରିବା ଓ ଫଳ ପାଇଁ ବିନିଯୋଗ ହେବାକୁ ଥିବା ବେଳେ ଦ୍ବିତୀୟ ଭାଗ ମାଂସ ଓ ଅଣ୍ଡା ଜାତୀୟ ଖାଦ୍ୟକୁ ଉଦ୍ଧାର କରିବାରେ ବିନିଯୋଗ ହେବ । ଏହି ଯୋଜନାରେ ନଷ୍ଟ ହେବାକୁ ଥିବା ଖାଦ୍ୟ ପଦାର୍ଥକୁ କିଣି ଉତ୍ତରାଞ୍ଚଳରେ ଆବଶ୍ୟକୀୟ ସମ୍ପ୍ରଦାୟଙ୍କୁ ଖାଦ୍ୟ ଯୋଗାଇ ଦିଆଯିବ ବୋଲି କୁହାଯାଇଛି । କାନାଡାରେ ଆରମ୍ଭ ହେବାକୁ ଥିବା ଏହି ନୂଆ ଯୋଜନାରେ ଖାଦ୍ୟ ବିକ୍ରି କରିବାକୁ ଚାହୁଁଥିବା ଲୋକେ ଜୁଲାଇ 15 ଯାଏଁ ଦରଖାସ୍ତ ଦେଇପାରିବେ ବୋଲି ଜଣା ପଡିଛି ।
@IANS