ଲରେନ୍ସ ବିଷ୍ଣୋଇର ଧମକ ପରେ ଆକ୍ସନ ମୋଡରେ ମୁମ୍ବାଇ ପୋଲିସ, ସଲମାନ ଖାନଙ୍କ ସୁରକ୍ଷା ବ୍ୟବସ୍ଥାର କରାଗଲା ସମୀକ୍ଷା

ରବିବାର ଦିନ ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇଙ୍କ ଠାରୁ ସଲମାନ ଖାନଙ୍କୁ ହତ୍ୟା ଧମକପୂର୍ଣ୍ଣ ପୋଷ୍ଟ ପଠାଯାଇଥିଲା । ଏହାକୁ ଦୃଷ୍ଟିରେ ରଖି ମୁମ୍ବାଇ ପୋଲିସ ଭାଇଜାନଙ୍କ ସୁରକ୍ଷା ବ୍ୟବସ୍ଥାର ସମୀକ୍ଷା କରିଛି । ଅଧିକ ପଢନ୍ତୁ,

ମୁମ୍ବାଇ: ଗ୍ୟାଙ୍ଗଷ୍ଟାର ଲରେନ୍ସ ବିଷ୍ଣୋଇଙ୍କ ଠାରୁ ସଲମାନ ଖାନଙ୍କୁ ପୁଣି ଧମକ ମିଳିଛି । ଘଟଣା ପରେ ଆକ୍ସନ ମୋଡକୁ ଆସିଛି ମୁମ୍ବାଇ ପୋଲିସ । ଗତ ମଙ୍ଗଳବାର ଦିନ ଭାଇଜାନଙ୍କ ସୁରକ୍ଷା ବ୍ୟବସ୍ଥାର ସମୀକ୍ଷା କରିଛି ପୋଲିସ । ଏହା ସହ ଅଭିନେତାଙ୍କୁ ମଧ୍ୟ ସତର୍କ ରହିବାକୁ କହିଛନ୍ତି । ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୁଙ୍କ ଧମକ ପରେ ଏହି ଅଭିନେତାଙ୍କୁ ମୁମ୍ବାଇ ପୋଲିସ ତରଫରୁ ୟାଇ(Y)-ପ୍ଲସ ସୁରକ୍ଷା ପ୍ରଦାନ କରାଯାଇଛି ।

ଫେସବୁକ ପୋଷ୍ଟରେ ସଲମାନ ଖାନଙ୍କୁ ଧମକ ମିଳିଥିଲା

ରବିବାର ଦିନ ଲରେନ୍ସ ଏକ ଫେସବୁକ ପୋଷ୍ଟରେ କାନାଡାର ଜିପି ଗ୍ରେୱାଲଙ୍କ ବାସଭବନ ବାହାରେ ଗୁଳି ବିନିମୟ କରିଥିବା ସ୍ପଷ୍ଟ କହିଥିଲେ । ସେ ଏହି ପୋଷ୍ଟରେ ପରୋକ୍ଷରେ ସଲମାନଙ୍କୁ ହି ଧମକ ଦେଇଥିଲେ । ଲରେନ୍ସ ବିଷ୍ଣୋଇ ନାମକ ଫେସବୁକ୍ ଆକାଉଣ୍ଟର ପୋଷ୍ଟରେ ଏହା ଲେଖାଥିଲା, 'ତୁମେ ସଲମାନ ଖାନଙ୍କୁ ବହୁତ ଭାଇ ଭାଇ ଭଳି ବ୍ୟବହାର କର, ମୋତେ କୁହ ବର୍ତ୍ତମାନ ତୁମର ଭାଇ ତୁମକୁ ବଞ୍ଚାଇବ କି । ଏହା ମଧ୍ୟ ସଲମାନ ଖାନଙ୍କ ଏହି ବାର୍ତ୍ତା ସଲମାନଙ୍କୁ ମଧ୍ୟ ଦେବାକୁ ପଡ଼ିବ ଯେ ତୁମେ ଭ୍ରମରେ ଅଛ ଯେ ଦାଉଦ ତୁମକୁ ସାହାଯ୍ୟ କରିବ । କେହି ତୁମକୁ ବଞ୍ଚାଇ ପାରିବେ ନାହିଁ।'

ସିଦ୍ଧୁ ମୁସେୱାଲାଙ୍କ ମୃତ୍ୟୁକୁ ନେଇ ତୁମର ନାଟକୀୟ ପ୍ରତିକ୍ରିୟା ଅଦୃଶ୍ୟ ହୋଇ ନଥିଲା, ଆମେ ସମସ୍ତେ ଜାଣୁ ସେ କି ପ୍ରକାର ବ୍ୟକ୍ତି ଏବଂ ତାଙ୍କର ଅପରାଧିକ ସଂଯୋଗ । ତୁମେ ବର୍ତ୍ତମାନ ଆମ ରାଡରରେ ଅଛ । ଏହା ଟ୍ରେଲର ଥିଲା । ପୁରା ଫିଲ୍ମ ଶୀଘ୍ର ମୁକ୍ତିଲାଭ କରିବ । ତୁମେ ଯେକୌଣସି ଦେଶକୁ ଯାଅ । କିନ୍ତୁ ମନେରଖ ମୃତ୍ୟୁ ପାଇଁ ଭିସା ଆବଶ୍ୟକ ନାହିଁ । ସେ ଯେବେ ଚାହେଁ ଯେଉଁଠିକୁ ଯାଏ ଯାଇପାରିବ ।

ଜିପି ଗ୍ରେୱାଲ୍ କହିଲେ ସେ ସଲମାନଙ୍କ ବନ୍ଧୁ ନୁହଁନ୍ତି

ଏହି ଘଟଣା ପରେ ଜିପି ଏକ ସାକ୍ଷାତକାରରେ କହିଛନ୍ତି ଯେ ସଲମାନଙ୍କ ସହ ତାଙ୍କର କୌଣସି ବନ୍ଧୁତା ନାହିଁ ଏବଂ ମୋ ଉପରେ କାହିଁକି ଆକ୍ରମଣ କରାଯାଉଛି । ସେ କହିଛନ୍ତି ଯେ ମୌଜା ହି ମୌଜାର ଟ୍ରେଲର ଲଞ୍ଚ ସମୟରେ ସେ ସଲମାନଙ୍କୁ ଭେଟିଥିଲି କାରଣ ଫିଲ୍ମର ନିର୍ମାତା ତାଙ୍କୁ ସେଠାରେ ନିମନ୍ତ୍ରଣ କରିଥିଲେ ଏବଂ ଏହା ପୂର୍ବରୁ ସେ ସଲମାନଙ୍କୁ ବିଗ ବସ୍ ସେଟରେ ଭେଟିଥିଲେ । କ’ଣ ଘଟିଛି ଏବଂ ଏହା କାହିଁକି ଘଟିଲା ସେ ବୁଝି ପାରୁନାହାନ୍ତି । ଯେତେବେଳେ ଏହି ଘଟଣା ଘଟିଲା, ସେ ଚକିତ ହୋଇଗଲେ କାରଣ ସେ ପୂର୍ବରୁ କୌଣସି ବିବାଦର ସମ୍ମୁଖୀନ ହୋଇ ନାହିଁ । ତା କାହା ସହିତ ଶତ୍ରୁତା ନାହିଁ, ତେଣୁ ଏହି ଆକ୍ରମଣ ପଛରେ କିଏ ରହିପାରେ ମୁଁ କଳ୍ପନା ମଧ୍ୟ କରିପାରୁ ନାହିଁ ।

ଏହା ମଧ୍ୟ ପଢନ୍ତୁ: ପଞ୍ଜାବୀ ଗାୟକ ଗିପି ଗ୍ରେୱାଲଙ୍କ ଘରେ ଫାୟାରିଂ, ଭାଇଜାନଙ୍କୁ ବି ଲରେନ୍ସ ବିଷ୍ଣୋଇର ଧମକ !

ସୂଚନା ଥାଉ କି, ଗତ ମାର୍ଚ୍ଚ ମାସରେ ମଧ୍ୟ ସଲମାନଙ୍କୁ ବିଷ୍ଣୋଇ ଗ୍ୟାଙ୍ଗର ଜଣେ ସଦସ୍ୟଙ୍କ ଦ୍ୱାରା ପଠାଯାଇଥିବା ଧମକପୂର୍ଣ୍ଣ ମେଲ୍ ମିଳିଥିଲା । ଏ ସମ୍ପର୍କରେ ମୁମ୍ବାଇ ପୋଲିସ ସଲମାନଙ୍କ ଘର ବାହାରେ ସୁରକ୍ଷା ବୃଦ୍ଧି କରି ଏକ ମାମଲା ରୁଜୁ କରିଥିଲା । ସେପଟେ ଲରେନ୍ସ ଜାତୀୟ ଅନୁସନ୍ଧାନ ଏଜେନ୍ସି(ଏନଆଇଏ) ଦ୍ୱାରା ଅନୁସନ୍ଧାନ କରାଯାଇଥିବା ଡ୍ରଗ୍ସ ଚୋରା ଚାଲାଣ ମାମଲାରେ ବର୍ତ୍ତମାନ ଜେଲ୍‌ରେ ଅଛନ୍ତି ।