ହାଇଦ୍ରାବାଦ: ଡ୍ରିମ୍ ଗାର୍ଲ ୨ ପରେ ବର୍ତ୍ତମାନ ଅନନ୍ୟା ପାଣ୍ଡେ ତାଙ୍କର ଆଗାମୀ ୱେବ୍ ଚଳଚ୍ଚିତ୍ର 'ଖୋ ଗୟେ ହମ କାହାଁ' ରିଲିଜ୍ ପାଇଁ ପ୍ରସ୍ତୁତି କରୁଛନ୍ତି । ଟିମ୍ କିଛି ଦିନ ପୂର୍ବରୁ ଫିଲ୍ମର ପ୍ରମୋସନ ଆରମ୍ଭ କରିଥିବାବେଳେ ଫିଲ୍ମକୁ ନେଇ ବେଶ ଉତ୍ସାହର ସହ ଅପେକ୍ଷା କରିଛନ୍ତି ଫ୍ୟାନ୍ସ । ଏହାରି ମଧ୍ୟରେ ନିର୍ମାତା ଅନନ୍ୟା ପାଣ୍ଡେଙ୍କର ଏକ ନୂଆ ଲୁକ୍ ପୋଷ୍ଟର ରିଲିଜ୍ କରି ଟ୍ରେଲର ରିଲିଜ ତାରିଖ ଘୋଷଣା କରିଛନ୍ତି ।
'ଖୋ ଗୟେ ହମ କାହାଁ'ରୁ ଅନନ୍ୟା ପାଣ୍ଡେଙ୍କ ନୂଆ ଲୁକ ପୋଷ୍ଟର ରିଲିଜ ହୋଇଛି । ସେ ଏକ ଦର୍ପଣ ଆଗରେ ସେଲଫି ନେଉଥିବା ଦେଖିବାକୁ ମିଳିଛି । ତେବେ ଏହି ଚଳଚ୍ଚିତ୍ରରେ ତାଙ୍କ ଚରିତ୍ରର ନାମ ଅହାନା । ଅନନ୍ୟାଙ୍କ ଏହି ପୋଷ୍ଟର ସହ ଚଳଚ୍ଚିତ୍ର ନିର୍ମାତାମାନେ ଫିଲ୍ମର ଟ୍ରେଲର ରିଲିଜ୍ ତାରିଖ ମଧ୍ୟ ଘୋଷଣା କରିଛନ୍ତି । ଏହାର ଟ୍ରେଲର ତିନି ଦିନ ପରେ ଅର୍ଥାତ୍ ଡିସେମ୍ବର ୧୦ରେ ମୁକ୍ତିଲାଭ କରିବ । ପୋଷ୍ଟ ସେୟାର କରି ନେଟଫ୍ଲିକ୍ସ ଲେଖିଛି, "ଆମେ ସରଳ ଲୋକ- ଆମେ ଅହାନାଙ୍କୁ ଏକ ଛବିରେ ଦେଖୁ, ଆମକୁ ଏହା ଭଲ ଲାଗେ । ତାଙ୍କ ଯାତ୍ରା ଅନୁସରଣ କରିବାକୁ ପ୍ରସ୍ତୁତ ହୁଅନ୍ତୁ । 'ଖୋ ଗୟେ ହମ କାହାଁ'ର ଟ୍ରେଲର ୩ ଦିନ ମଧ୍ୟରେ ମୁକ୍ତିଲାଭ କରିବ ।"
କିଛି ଦିନ ପୂର୍ବରୁ, ପ୍ରମୋସନ କରିବା ପାଇଁ ଫିଲ୍ମର କାଷ୍ଟ NH7 ୱିକେଣ୍ଡର 2023ରେ ସାମିଲ ହୋଇ ପ୍ରଶଂସକଙ୍କୁ ଆଶ୍ଚର୍ଯ୍ୟ କରିଥିଲେ । ସେମାନେ ଫିଲ୍ମର ଏକ ଗୀତରେ ପରଫରମାନ୍ସ ବି ଦେଇଥିଲେ । ଏହି ଚଳଚ୍ଚିତ୍ରର ଟାଇଟଲ୍ 'ଖୋ ଗୟେ ହମ କାହାଁ' 2016 ଚଳଚ୍ଚିତ୍ର 'ବାର ବାର ଦେଖୋ' ଏକ ଗୀତ ଉପରେ ଆଧାରିତ, ଯେଉଁଥିରେ ସିଦ୍ଧାର୍ଥ ମଲହୋତ୍ରା ଏବଂ କ୍ୟାଟ୍ରିନା କୈଫ ଅଭିନୟ କରିଥିଲେ ।
ଏହା ମଧ୍ୟ ପଢନ୍ତୁ: ମାଳଦ୍ବୀପରେ ଛୁଟି କାଟୁଛନ୍ତି ଅନନ୍ୟା, ଆଦିତ୍ୟ ରୟ କପୁରଙ୍କ ସହ ପାଳିଲେ ଜନ୍ମଦିନ
ଅର୍ଜୁନ ବାରେନ୍ ସିଂଙ୍କ ନିର୍ଦ୍ଦେଶନାରେ ଡେବ୍ୟୁ ହେଉଛି ତିନିଜଣ ସାଙ୍ଗଙ୍କ କାହାଣୀକୁ ଏହି ଫିଲ୍ମରେ ସୁନ୍ଦର ଭାବେ ଦର୍ଶାଯାଇଛି । ସ୍କ୍ରିପ୍ଟରେ ଅର୍ଜୁନ ବାରେନ୍ ସିଂ, ଜୋୟା ଅଖତର ଏବଂ ରେମା କାଗି ସହଯୋଗ କରିଛନ୍ତି । ଏହି ଫିଲ୍ମ ଡିସେମ୍ବର 26 ରେ ନେଟଫ୍ଲିକ୍ସରେ ମୁକ୍ତିଲାଭ କରିବ । ଏହି ଫିଲ୍ମରେ ଅନନ୍ୟା ଏବଂ ସିଦ୍ଧାର୍ଥଙ୍କ ବ୍ୟତୀତ ଆଦର୍ଶ ଗୌରବ ବି ନଜର ଆସିବେ ।
