ହାଇଦ୍ରାବାଦ: ସାରା ଦେଶରେ ଦିୱାଲୀ ପର୍ବ ଉତ୍ସାହର ସହ ପାଳନ କରାଯାଇଛି। ସାଧାରଣ ଲୋକଙ୍କ ଠାରୁ ଆରମ୍ଭ କରି ବଲିଉଡର ସେଲିବ୍ରିଟିମାନେ ମଧ୍ୟ ଏହି ପର୍ବକୁ ଧୁମଧାମରେ ପାଳନ କରିଛନ୍ତି । ରଣଭୀର ସିଂଙ୍କ ଠାରୁ ସହିଦ କପୁର ପର୍ଯ୍ୟନ୍ତ ପ୍ରିୟଙ୍କା ଚୋପ୍ରାଙ୍କ ଠୁ ଶିଳ୍ପା ଶେଟ୍ଟୀ ଦିୱାଲୀ ସେଲିବ୍ରେସନ କରିଛନ୍ତି । ଯାହାର ଝଲକ ମଧ୍ୟ ତାରକାମାନେ ସୋସିଆଲ ମିଡିଆରେ ସେୟାର କରିଛନ୍ତି ।
ଦୀପାବଳି ଅବସରରେ ରୋମାଣ୍ଟିକ ହୋଇଛନ୍ତି ରଣଭୀର ସିଂ ଏବଂ ଦୀପିକା ପାଦୁକୋନ ଓ ରଣବୀର କପୁର, ଆଲିଆ ଭଟ୍ଟ । ବିବାହ ପରେ ଏହି ଦମ୍ପତି ତାଙ୍କର ୫ମ ତମ ଦୀପାବଳି ପାଳନ କରିଛନ୍ତି । ଦୀପିକା ନିଜ ଇନଷ୍ଟାଗ୍ରାମରେ ସେଲିବ୍ରେସନର ଫଟୋ ସେୟାର କରିଛନ୍ତି । ଗୋଟିଏ ଫଟୋରେ ଉଭୟ ପୂଜା କରୁଥିବା ଦେଖିବାକୁ ମିଳିଛି । ଆଉ ଏକ ଫଟୋରେ ଦୀପିକା ରଣଭୀରଙ୍କୁ କିସ କରୁଥିବା ନଜର ଆସିଛନ୍ତି । ଏହି ଫଟୋ ସେୟାର କରି ସେ ଫ୍ୟାନ୍ସଙ୍କୁ ଦିପାବଳୀ ଶୁଭକାମନା ଜଣାଇଛନ୍ତି । ସେପଟେ ରଣବୀର କପୁର ଏବଂ ଆଲିଆ ଭଟ୍ଟ ମଧ୍ୟ ରୋମାଣ୍ଟିକ ଫଟୋ ସେୟାର କରିଛନ୍ତି । ରଣଭୀର ଆଲିଆଙ୍କୁ କିସ କରୁଥିବା ନଜର ଆସିଛନ୍ତି । ଆଉ ଏକ ଫଟୋରେ ରାହା ନା ଲେଖାଥିବା ଏକ ଓଢଣୀ ମଧ୍ୟ ଦେଖିବାକୁ ମିଳିଛି ।
ସେହିପରି କରୀନା କପୁର ଖାନ ତାଙ୍କ ପରିବାର ସହ ଦିୱାଲୀ ପାଳନ କରିଛନ୍ତି । ସେୟାର କରିଥିବା ଫଟୋରେ କରୀନା, ସୈଫଙ୍କୁ ତାଙ୍କୁ ୨ ପୁଅଙ୍କ ସହ ପୋଜ ଦେଉଥିବାର ଦେଖିବାକୁ ମିଳିଛି । ଫଟୋ ସେୟାର କରି କରୀନା ଏକ ମଜାଦାର କ୍ୟାପସନ ମଧ୍ୟ ଲେଖିଛନ୍ତି । ଅଭିନେତ୍ରୀ ଲେଖିଛନ୍ତି, 'ବର୍ଷ ପରେ ବର୍ଷ ଗଲାଣି ଏବଂ ଆମେ ଏବେ ବି ପାରିବାରିକ ଫଟୋ ଉଠାଇବା ପାଇଁ ଚେଷ୍ଟା କରୁଛୁ । ହାପି ଦିୱାଲୀ ।
କିଆରା ଆଡଭାନୀ ଏବଂ ସିଦ୍ଧାର୍ଥ ମଲହୋତ୍ରା ଚଳିତ ବର୍ଷ ନିଜ ଶାଶୁ ଘରେ ପ୍ରଥମ ଦିୱାଲୀ ସେଲିବ୍ରେସନ କରିଛନ୍ତି । ଏହି ଦମ୍ପତି ଏହି ବର୍ଷ ଫେବୃଆରୀରେ ବିବାହ କରିଥିଲେ । ତେବେ ପ୍ରଥମ ଦିୱାଲୀଙ୍କ ଫଟୋ ସେୟାର କରି କିଆରା କ୍ୟାପସନ୍ ଲେଖିଛନ୍ତି, 'ମୋର ପ୍ରେମ ଏବଂ ଆଲୋକ । ଆପଣ ସମସ୍ତଙ୍କୁ ଦିୱାଲୀ ଶୁଭେଚ୍ଛା । ଏହି ଫଟୋଗୁଡ଼ିକରେ ସିଦ୍ଧାର୍ଥ ଏବଂ କିଆରା ଦେଶୀ ଲୁକରେ ରୋମାଣ୍ଟିକ୍ ପୋଜ୍ ଦେଉଥିବାର ନଜର ଆସିଛନ୍ତି । ସେପଟେ ପରିଣୀତି ଚୋପ୍ରା ମଧ୍ୟ ବିବାହ ପରେ ରାଘବ ଚଢାଙ୍କ ସହ ତାଙ୍କର ପ୍ରଥମ ଦିୱାଲୀ ପାଳିଛନ୍ତି ।
ସେହିପରି କ୍ୟାଟ୍ରିନା କୈଫ ନିଜ ଶାଶୁ ଘର ଲୋକଙ୍କ ସହ ଦିୱାଲୀ ସେଲିବ୍ରେସନ କରିଛନ୍ତି । ବିକି କୌଶଲ ନିଜ ଇନଷ୍ଟାଗ୍ରାମରେ ଦିୱାଲୀ ସେଲିବ୍ରେସନର ଫଟୋ ସେୟାର କରିଛନ୍ତି । ଯେଉଁଥିରେ ବିକି ଏବଂ କ୍ୟାଟ୍ରିନା ପରସ୍ପରର ହାତ ଧରି ହସୁଥିବାର ନଜର ଆସିଛନ୍ତି । ଏହା ସହିତ ବିକି ପରିବାରର ଦୀପାବଳିର ଅନ୍ୟ କିଛି ଫଟୋ ମଧ୍ୟ ସେୟାର କରିଛନ୍ତି । ସମଗ୍ର ପରିବାର ବିଭିନ୍ନ ଶୈଳୀରେ ପୋଜ୍ କରୁଥିବା ଦେଖିବାକୁ ମିଳିଛି ।
ଏହା ମଧ୍ୟ ପଢନ୍ତୁ: ଦୀପାବଳିର ଶୁଭେଚ୍ଛା ଜଣାଇଲେ ମିଲବେନ, ଗାଇଲେ ଓମ-ଜୟ-ଜଗଦୀଶ ହରେ
ସେପଟେ ଅଭିନେତା ଅଜୟ ଦେବଗନ ଦିୱାଲୀକୁ ତାଙ୍କ ପରିବାର ସହ ସମାନ ଭାବରେ ପାଳନ କରିଛନ୍ତି । ସେ ଇନଷ୍ଟାଗ୍ରାମରେ ପୁଅ ଯୁଗ ଏବଂ ପରିବାରର ସମସ୍ତଙ୍କ ସହ ଦିୱାଲୀଙ୍କ ଏକ ମଜାଦାର ଫଟୋ ସେୟାର କରିଛନ୍ତି । ଅଭିନେତା ଅକ୍ଷୟ ମଧ୍ୟ ଦିୱାଲୀ ସେଲିବ୍ରେଟ କରିଛନ୍ତି । ସେ ଏକ ଫଟୋ ସେୟାର କରିଛନ୍ତି, ଯେଉଁଥିରେ ସେ ରଙ୍ଗୋଲୀ କରୁଥିବା ନଜର ଆସିଛନ୍ତି । ସେପଟେ ଶିଳ୍ପା ସେଟ୍ଟୀ କୁନ୍ଦ୍ରା ପରିବାର ସହ ଅତି ଉତ୍ସାହର ସହ ଏହି ପର୍ବ ପାଳନ କରିଛନ୍ତି । ଅଭିନେତ୍ରୀ ଘରେ ଲକ୍ଷ୍ମୀ ପୂଜା କରିଥିଲେ, ଯାହାର ଝଲକ ସେ ଏହି ଫଟୋଗୁଡିକରେ ଦେଖିବାକୁ ମିଳିଛି । ପ୍ରିୟଙ୍କା ଝିଅ ମାଲତୀଙ୍କ ସହ, ସାହିଦ କପୁରଙ୍କ ସମେତ ଅନେକ ସେଲିବ୍ରିଟି ଦିୱାଲୀ ଜୋରଦାର ପାଳନ କରିଛନ୍ତି ।
