ହାଇଦ୍ରାବାଦ: କିଛି ଦିନ ମଧ୍ୟରେ ଅନନ୍ୟା ପାଣ୍ଡେ ଏବଂ ସିଦ୍ଧାନ୍ତ ଚତୁର୍ବେଦୀଙ୍କ ଫିଲ୍ମ 'ଖୋ ଗୟେ ହମ୍ କାହାଁ' ରିଲିଜ୍ ହେବାକୁ ଯାଉଛି । ନିକଟରେ ଏହି ଚଳଚ୍ଚିତ୍ରର ସ୍ପେଶାଲ ସ୍କ୍ରିନିଂ ଅନୁଷ୍ଠିତ ହୋଇଥିଲା, ଯେଉଁଠାରେ ବି ଟାଉନର ସମସ୍ତ ତାରକା ଅଂଶଗ୍ରହଣ କରିଥିଲେ । ଏହି କାର୍ଯ୍ୟକ୍ରମରେ ଅନନ୍ୟା ପାଣ୍ଡେଙ୍କ ସହ ରୁମର ବୟଫ୍ରେଣ୍ଡ ଆଦିତ୍ୟ ରୟ କପୁର ମଧ୍ୟ ଯୋଗ ଦେଇଥିଲେ । ଏଥିସହ ସିଦ୍ଧାନ୍ତଙ୍କ ସହ ରୁମର ଗାର୍ଲଫ୍ରେଣ୍ଡ ନବ୍ୟା ନଭେଲି ନନ୍ଦା ଯୋଗ ଦେଇଥିଲେ । ଯାହାର ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହେଉଛି ।
ସ୍କ୍ରିନିଂ ସମୟରେ ଅନନ୍ୟା ହ୍ବାଇଟ୍ କ୍ରପ୍ ଟପ୍ ସହ ମିନି ବ୍ଲାକ୍ ସ୍କଟ୍ ଏବଂ ବ୍ଲାକ୍ ଜ୍ୟାକେଟ୍ରେ ନଜର ଆସିଥିବା ବେଳେ ବ୍ଲାକ୍ ପ୍ୟାଣ୍ଟ ଏବଂ ଚେକ୍ ସାର୍ଟରେ ନଜର ଆସିଥିଲେ ଆଦିତ୍ୟ । ଏହା ପରେ ଉଭୟ ଲଙ୍ଗ ଡ୍ରାଇଭ୍ରେ ଯାଇଥିବା ଜଣାପଡିଛି । ଏହି ସମୟରେ ଆଉ ଏକ ଭିଡିଓ ମଧ୍ୟ ସାମ୍ନାକୁ ଆସିଛି । ଯେଉଁଥିରେ ସ୍କ୍ରିନିଂ ପରେ ସିଦ୍ଧାର୍ଥ ଚତୁର୍ବେଦୀ ବାହାରେ ପ୍ୟାପ୍ଙ୍କୁ ପୋଜ୍ ଦେଉଥିବା ବେଳେ ଅନନ୍ୟା ବିଷୟରେ ପଚରା ଯାଇଥିଲା । ସେତେବେଳେ ଅଭିନେତା କହିଥିଲେ ଯେ, ଅନନ୍ୟା ଆଉ କାହା ସହ ଅଛନ୍ତି । ଏହାପରେ ଅନନ୍ୟା ତାପରେ ଆଦିତ୍ୟ ବାହାରକୁ ଆସୁଥିବା ନଜର ଆସିଛନ୍ତି ।
ଆଦିତ୍ୟ-ଅନନ୍ୟାଙ୍କ ଭିଡିଓ ଭାଇରାଲ ପରେ ଫ୍ୟାନ୍ସମାନେ ଅନେକ ପ୍ରତିକ୍ରିୟା ଦେଇଛନ୍ତି । କେହି କେହି ସେମାନଙ୍କୁ ସେମାନଙ୍କର ପ୍ରିୟ କପଲ ବୋଲି କହିଥିବା ବେଳେ ଅନ୍ୟମାନେ ସେମାନଙ୍କୁ ଶ୍ରେଷ୍ଠ ଦମ୍ପତି ବୋଲି କହିଛନ୍ତି ଏବଂ ଅନ୍ୟ କେହି ଉଭୟଙ୍କୁ ବିବାହ କେବେ ବୋଲି ପଚାରିଛନ୍ତି । ଜଣେ ଲେଖିଛନ୍ତି, 'ମୋର ପ୍ରିୟ ଦମ୍ପତି ଆଦି ଏବଂ ଅନନ୍ୟା । ଏହି ଦୁଇଜଣ ସୁନ୍ଦର ଦେଖାଯାଉଥିବା ଏବଂ ହଟ୍ କପଲ । ଅନ୍ୟ ଜଣେ ଲେଖିଛନ୍ତି, 'ଏହା ଶ୍ରେଷ୍ଠ କପଲ ହେବ।' ତେବେ ଏହି ସ୍କ୍ରିନିଂ ସମୟରେ ସୁହାନା ଖାନ, ଅଗସ୍ତ୍ୟା ନନ୍ଦା ଏବଂ ଶନାୟା କପୁରଙ୍କ ପରି ସେଲିବ୍ରିଟି ମଧ୍ୟ ସାମିଲ ହୋଇଥିଲେ ।
ଏହା ମଧ୍ୟ ପଢନ୍ତୁ: ରିସେପ୍ସନ୍ ପାର୍ଟୀରେ ପୁଣି ଏକାଠି ନଜର ଆସିଲେ ରୁମର୍ ଲଭବାର୍ଡ ଅନନ୍ୟା-ଆଦିତ୍ୟ
ସୂଚନା ଥାଉ କି, ଏହି ଚଳଚ୍ଚିତ୍ରର ଟାଇଟଲ୍ 'ଖୋ ଗୟେ ହମ କାହାଁ' 2016 ଚଳଚ୍ଚିତ୍ର 'ବାର ବାର ଦେଖୋ'ର ଏକ ଗୀତ ଉପରେ ଆଧାରିତ, ଯେଉଁଥିରେ ସିଦ୍ଧାର୍ଥ ମଲହୋତ୍ରା ଏବଂ କ୍ୟାଟ୍ରିନା କୈଫ ଅଭିନୟ କରିଥିଲେ । ଅର୍ଜୁନ ବାରେନ୍ ସିଂଙ୍କ ନିର୍ଦ୍ଦେଶନାରେ ଡେବ୍ୟୁ ହେଉଛି ତିନିଜଣ ସାଙ୍ଗଙ୍କ କାହାଣୀକୁ ଏହି ଫିଲ୍ମରେ ସୁନ୍ଦର ଭାବେ ଦର୍ଶାଯାଇଛି । ସ୍କ୍ରିପ୍ଟରେ ଅର୍ଜୁନ ବାରେନ୍ ସିଂ, ଜୋୟା ଅଖତର ଏବଂ ରେମା କାଗି ସହଯୋଗ କରିଛନ୍ତି । ଏହି ଫିଲ୍ମ ଡିସେମ୍ବର 26ରେ ନେଟଫ୍ଲିକ୍ସରେ ମୁକ୍ତିଲାଭ କରିବ । ଏହି ଫିଲ୍ମରେ ଅନନ୍ୟା ଏବଂ ସିଦ୍ଧାର୍ଥଙ୍କ ବ୍ୟତୀତ ଆଦର୍ଶ ଗୌରବ ବି ନଜର ଆସିବେ ।
