ମୁମ୍ବାଇ: ବଲିଉଡ ଲୋକପ୍ରିୟ ଚଳଚ୍ଚିତ୍ର ନିର୍ଦ୍ଦେଶକ ଅନୁରାଗ କଶ୍ୟପଙ୍କ ଝିଅ ଆଲିଆ କଶ୍ୟପ ଖୁବ୍ ଶୀଘ୍ର ବିବାହ କରିବାକୁ ଯାଉଛନ୍ତି । ଆଲିଆ ତାଙ୍କ ବିଦେଶୀ ପ୍ରେମିକ ସଚିନଙ୍କ ସହ ଅଗଷ୍ଟ 3ରେ ନିର୍ବନ୍ଧ ସରିଛି । ସମସ୍ତ ବଲିଉଡ ତାରକା ଆଲିଆ ଏବଂ ସଚିନଙ୍କ ଯୋଗଦାନରେ ଏକାଠି ହୋଇଥିଲେ। ଏଥିରେ ସୁହାନା ଖାନ୍, ଖୁସି କପୁର ଏବଂ ପଲକ ତିୱାରୀ ମଧ୍ୟ ସାମିଲ ହୋଇଥିଲେ । ବର୍ତ୍ତମାନ ଆଲିଆ ତାଙ୍କ ନିର୍ବନ୍ଧର ସୁନ୍ଦର ଫଟୋ ସେୟାର କରିଛନ୍ତି । ଏହି ଫଟୋଗୁଡ଼ିକରେ ଆଲିଆ ଏବଂ ସଚିନ ରୋମାଣ୍ଟିକ୍ ପୋଜ୍ରେ ନଜର ଆସିଛନ୍ତି ।
ଆଲିଆ କଶ୍ୟପ ଏବଂ ତାଙ୍କ ଭାବିସ୍ବାମୀ ସଚିନଙ୍କ ଆଉଟଫିଟ ବିଷୟରେ କହିବାକୁ ଗଲେ ଏହାକୁ ଡିଜାଇନର୍ ଅନୀତା ଡୋଙ୍ଗ୍ରେ ପ୍ରସ୍ତୁତ କରିଛନ୍ତି । ଅଳଙ୍କାର ମଧ୍ୟ ଅନୀତା ଡୋଙ୍ଗ୍ରେଙ୍କ କଲେକ୍ସନରୁ ନିଆଯାଇଛି । ଆଲିଆଙ୍କ ଆମେରିକୀୟ ବୟଫ୍ରେଣ୍ଡ ସଚିନ ଏକ ହ୍ବାଇଟ ରଙ୍ଗର କୁର୍ତ୍ତା-ପାଇଜାମା ସହ ନେହେରୁ କଟ୍ ଜ୍ୟାକେଟରେ ନଜର ଆସିଥିବା ବେଳେ ଆଲିଆ ହ୍ବାଇଟ ରଙ୍ଗର ଲେହେଙ୍ଗାରେ ଖୁବ ସୁନ୍ଦର ଦେଖାଯାଉଛନ୍ତି ।
ତେବେ ଆଲିଆ ନିଜ ଇନ୍ଷ୍ଟାଗ୍ରାମରେ ତାଙ୍କ ନିର୍ବନ୍ଧର ଫଟୋ ସେୟାର କରିଛନ୍ତି । ସେ କ୍ୟାପସନରେ ଲେଖିଛନ୍ତି, 'ମାଇ ଲଭ୍' । ସେୟାର ହୋଇଥିବା ଗୋଟିଏ ଫଟୋରେ ଆଲିଆ ଏବଂ ସଚିନଙ୍କ ବ୍ଲାକ୍ ଆଣ୍ଡ୍ ହ୍ବାଇଟ୍ ଫଟୋ ରହିଥିବା ବେଳେ ଅନ୍ୟଟିରେ ଆଲିଆ ଏବଂ ସଚିନ୍ ଲିପ୍ଲକ୍ କରୁଥିବା ନଜର ଆସିଛନ୍ତି । ସୂଚନା ଥାଉ କି, ଗତ ମେ' ମାସରେ ଆଲିଆ ଇନ୍ଷ୍ଟାଗ୍ରାମରେ ପୋଷ୍ଟ କରି ସଚିନଙ୍କ ସହ ପ୍ରେମ ସମ୍ପର୍କ ନେଇ ଘୋଷଣା କରିଥିଲେ । ଏହି ଫଟୋ ସେୟାର ହେବା ପରେ ଅନେକ ସେଲିବ୍ରିଟି ଏବଂ ଫ୍ୟାନ୍ସ ଏହାକୁ ଲାଇକ୍ କରିବା ସହ ପ୍ରତିକ୍ରିୟାରେ ଉଭୟଙ୍କୁ ଶୁଭେଚ୍ଛା ଜଣାଇଛନ୍ତି ।
ଏହା ମଧ୍ୟ ପଢନ୍ତୁ: ଆଦିତ୍ୟ ଅନନ୍ୟାଙ୍କ ଡେଟିଂ ରୁମର, ଉପଦେଶ ଦେଇ ଏଭଳି ପ୍ରତିକ୍ରିୟା ରଖିଲେ ଚଙ୍କି ପାଣ୍ଡେ
ଗ୍ୟାଙ୍ଗ୍ସ ଅଫ୍ ୱାସେପୁର ନିର୍ଦ୍ଦେଶକ ଅନୁରାଗ କାଶ୍ୟପଙ୍କ ପ୍ରଥମ ପତ୍ନୀ ଆରତୀ ବଜାଜଙ୍କ ଝିଅ ଆଲିଆ କଶ୍ୟପ । ଅନୁରାଗ ଏବଂ ଆରତୀ 1997 ମସିହାରେ ବିବାହ କରିଥିଲେ ଏବଂ 2009ରେ ପରସ୍ପରଠାରୁ ଅଲଗା ହୋଇଥିଲେ । ପରେ 2011 ମସିହାରେ ଅନୁରାଗ ଅଭିନେତ୍ରୀ କଲ୍କି କୋଚଲିନ୍ଙ୍କୁ ଦ୍ବିତୀୟ ବିବାହ କରିଥିଲେ, ଯାହା କେବଳ ଚାରି ବର୍ଷ ଚାଲିଥିଲା । ଏବଂ ପରେ 2015 ରେ ଦୁହେଁ ଅଲଗା ହୋଇଥିଲେ। ସୂଚନା ଥାଉ କି, ଉଭୟ ଆରତୀ ବଜାଜ ଏବଂ କଲ୍କି ଆଲିଆଙ୍କ ନିର୍ବନ୍ଧରେ ନଜର ଆସିଥିଲେ।
