ପୁରୀ: କୋଭିଡ୍ ନିୟମ ଭାଙ୍ଗିବା ଅଭିଯୋଗରେ ସତ୍ୟବାଦୀ ବିଧାୟକ ଉମାକାନ୍ତ ସାମନ୍ତରାୟଙ୍କ ବିରୋଧରେ ମାମଲା ରୁଜୁ ହୋଇଛି । ମହାମାରୀ ଆଇନ ଅନୁସାରେ ପୁରୀ ସମୁଦ୍ରକୂଳ ଥାନା ନିଜ ଆଡୁ ମାମଲା ଦାଏର କରିଛି ।
ପଜିଟିଭ ଚିହ୍ନଟ ହେବାର 17 ଦିନ ପୂରିବା ପୂର୍ବରୁ ବିଧାୟକ ଉମାକାନ୍ତ ସାମନ୍ତରାୟ ସ୍ବର୍ଗଦ୍ବାର ଆସି ପିପିଲି ବିଧାୟକ ପ୍ରଦୀପ ମହାରଥୀଙ୍କ ଶେଷକୃତ୍ୟରେ ଯୋଗଦେଇଥିଲେ । ଯେଉଁଥିଲାଗି ତାଙ୍କ ବିରୋଧରେ ମାମଲା ରୁଜୁ ହୋଇଛି ।
ସେପଟେ କୋଭିଡ ପଜିଟିଭ ହେବାର 17 ଦିନ ପରେ ମହାରଥୀଙ୍କ ଶେଷକୃତ୍ୟରେ ଯୋଗଦେଇଥିବାରୁ ମନ୍ତ୍ରୀ ସମୀର ଦାଶଙ୍କୁ ଆଶ୍ବସ୍ତି ମିଳିଛି । ତାଙ୍କ ନାଁ ମାମଲା ହୋଇନାହିଁ। ।
ସୂଚନାଥାଉକି, ଦିବଗଂତ ନେତା ତଥା ପୂର୍ବତନ ମନ୍ତ୍ରୀ ପ୍ରଦୀପ ମହାରଥୀଙ୍କ ଅନ୍ତିମ ସଂସ୍କାରରେ ଉଭୟ ନେତା ସାମିଲ ହୋଇଥିଲେ । ଯାହାକୁ ନେଇ ବିବାଦ ଦେଖାଦେଇଥିଲା । ତେବେ ବିଧାୟକ ଉମାକାନ୍ତଙ୍କର କୋରୋନା ପଜିଟିଭ୍ ଥିବାବେଳେ ନିୟମ ଅନୁସାରେ ସଙ୍ଗରୋଧରେ ରହିବା କଥା । ହେଲେ ଏହାକୁ ବିଧାୟକ ମାନିନଥିବା ଅଭିଯୋଗ ହୋଇଥିଲା । ଏନେଇ ଥାନାରେ ବିଜେପି ଯୁବ ମୋର୍ଚ୍ଚା ଓ ଜଗନ୍ନାଥ ସେନା ଏତଲା ଦେଇଥିଲେ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
