କଟକ: ଯୌତୁକ ନିର୍ଯାତନା ଓ ଦ୍ବିତୀୟ ବିବାହ ପାଇଁ ସ୍ବାମୀର ଜିଦରେ ଆତ୍ମହତ୍ୟାର ବାଟ ଆପଣେଇଲା ସ୍ତ୍ରୀ । ବିରୂପା ନଦୀକୁ ଡେଇଁ କଲା ଆତ୍ମହତ୍ୟା ଉଦ୍ୟମ । ଘଟଣାସ୍ଥଳରେ ସ୍ଥାନୀୟ ଗାଁ ଲୋକେ ପହଞ୍ଚି ମହିଳାଙ୍କୁ ଉଦ୍ଧାର କରିବା ସହ ମେଡିକାଲରେ କଲେ ଭର୍ତ୍ତି । ଏପରି ଅଭାବନୀୟ ଘଟଣା ଘଟିଛି କଟକ ଜିଲ୍ଲା ମାହାଙ୍ଗା କୁଣ୍ଡି ପଞ୍ଚାୟତ ଜଗନ୍ନାଥପୁର ଗାଁରେ ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ଗାଁର ଟୁଟୁ ଜେନା ଦ୍ବିତୀୟ ବିବାହ କରିବା ଜିଦ୍କୁ ନେଇ ସ୍ତ୍ରୀ ଝିଲି ଜେନାଙ୍କ ସହ ତାଙ୍କର ବାରମ୍ବାର ବଚସା ହେଉଥିଲା । ଏହା ସହ ଟୁଟୁ, ସ୍ତ୍ରୀ ଝିଲିଙ୍କୁ ଯୌତୁକ ନିର୍ଯାତନା ମଧ୍ୟ ଦେଉଥିବାର ଅଭିଯୋଗ ରହିଛି । ବାରମ୍ବାର ଏପରି ହେବାରୁ ଶେଷରେ ଝିଲି ଆତ୍ମହତ୍ୟା କରିବାର ବାଟ ବାଛିଥିବା ସୂଚନା ମିଳିଛି । ତେବେ ସ୍ତ୍ରୀ ଆତ୍ମହତ୍ୟା ଉଦ୍ୟମ କରିବା ପରେ ସ୍ବାମୀ ଟୁଟୁ ଜେନା ଫେରାର ରହିଥିବା ଜଣାପଡିଛି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
