କଟକ: ମାଧ୍ୟମିକ ଶିକ୍ଷା ପରିଷଦ(ବୋର୍ଡ) ପକ୍ଷରୁ ଚଳିତବର୍ଷ ମାଟ୍ରିକ ସପ୍ଲିମେଣ୍ଟାରୀ ପରୀକ୍ଷା ଆଜିଠାରୁ ଅନୁଷ୍ଠିତ ହେବ । କୋରୋନା ପାଇଁ ପରୀକ୍ଷା ଢାଞ୍ଚାରେ ଅନେକ ପରିବର୍ତ୍ତନ ଅଣାଯାଇଛି । ପରୀକ୍ଷା ସମୟରେ 2 ଘଣ୍ଟା 30 ମିନିଟ ସମୟ ପରିବର୍ତ୍ତେ 2 ଘଣ୍ଟା କରାଯିବ। ସେହିପରି ପ୍ରତି ବିଷୟ 100 ନମ୍ବର ବଦଳରେ 80 ନମ୍ବରର ପରୀକ୍ଷା ଦେବେ ଛାତ୍ରଛାତ୍ରୀ । ସେଥିରେ ୩୦ ମାର୍କ ଦୀର୍ଘ ଉତ୍ତର ଓ ୫୦ ମାର୍କ କ୍ଷୁଦ୍ର ଉତ୍ତର ଓଏମଆର ମାଧ୍ୟମରେ କରାଯିବ।
ସବୁ କେନ୍ଦ୍ରରେ କୋଭିଡ ଗାଇଡ ଲାଇନ କଡାକଡି କରାଯାଇଛି । ସକାଳ 09 ଟା ରେ ସମସ୍ତ ପରୀକ୍ଷାକେନ୍ଦ୍ର ଖୋଲାଯିବ । ପରୀକ୍ଷା ୧୦ ଟାରୁ ଆରମ୍ଭ ହୋଇ ମଧ୍ୟାହ୍ନ ୧୨ ଟା ଯାଏ ହେବ । ରାଜ୍ୟରେ ୨୨୬୪୯ ହାଇସ୍କୁଲ ପରୀକ୍ଷାର୍ଥୀ ୧୫୩ ଟି କେନ୍ଦ୍ରରେ ଓ ୧୨୯୩୯ ଓପନ ସ୍କୁଲ ପରୀକ୍ଷାର୍ଥୀ ୮୮ ଟି କେନ୍ଦ୍ରରେ ସପ୍ଲିମେଣ୍ଟାରୀ ପରୀକ୍ଷା ଦେବେ।
ପରୀକ୍ଷା ଖାତା ମୂଲ୍ୟାୟନ ପାଇଁ ୧୩ ଟି ମୂଲ୍ୟାୟନ କେନ୍ଦ୍ର ଓ ଓପନ ସ୍କୁଲ ଖାତାର ମୂଲ୍ୟାୟନ ପାଇଁ ୭ ଟି ମୂଲ୍ୟାୟନ କେନ୍ଦ୍ର କରାଯାଇଛି।
କଟକରୁ ନାରାୟଣ ସାହୁ, ଇଟିଭି ଭାରତ
