କଟକ : ଗଞ୍ଜେଇ ଚାଲାଣର ମୁଖ୍ୟ ରାସ୍ତା ପାଲଟିଛି ୧୬ନଂ ଜାତୀୟ ରାଜପଥ । କିଛିଦିନ ପରେ ଆଜି ପୁଣି କଟକରୁ ୫ଲକ୍ଷ ଟଙ୍କାର ଗଞ୍ଜେଇ ଜବତ କରିଛି କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗ ।
ଲକ୍ଷାଧିକ ଟଙ୍କାର ଗଞ୍ଜେଇ ଜବତ, ୨ ଗିରଫ
ସୂଚନା ଅନୁଯାୟୀ, ବିହାର ଅଞ୍ଚଳର ଦୁଇ ଅଭିଯୁକ୍ତ ଏକ ଗାଡିରେ ଓଡ଼ିଶାରୁ ଚୋରା ଗଞ୍ଜେଇ ନେଇ ଯାଉଥିଲେ । ଏନେଇ ଖବର ପାଇବା ପରେ ଅବକାରୀ ବିଭାଗର ଏକ ଟିମ ଗାଡିଟିକୁ ଗୋପାଳପୁର ପାଖରେ ଅଟକାଇ ଥିଲେ ହେଁ ଗାଡିଟି ଦୃତ ଗତିରେ ପଳାଇତିଲା । ଅବକାରୀ ବିଭାଗର ଏହି ଟିମ ଗାଡିକୁ ପିଛା କରି ଗୋପାଳପୁର ଛକ ନିକଟରେ ଗାଡିକୁ ଅଟକାଇ ତଲାସୀ ନେଇଥିଲା । ଯାଂଚ ବେଳେ ଗାଡିରୁ ୫୨ କେଜି ଗଞ୍ଜେଇ ଜବତ କରାଯାଇଛି । ସେହିପରି ଗଞ୍ଜେଇ ଚାଲଣ ହେଉଥିବା ଗାଡିକୁ ଜବତ କରାଯିବା ସହ ୨ ଜଣଙ୍କୁ ଗିରଫ କରିଛି ଅବକାରୀ ବିଭାଗ । ଏହି ଦୁଇ ଅଭିଯୁକ୍ତ ହେଲେ ରାମବାବୁ ମହାତୋ ଏବଂ ଲେଗିନ୍ସ କୁମାର । ଦୁଇ ଅଭିଯୁକ୍ତଙ୍କୁ କୋର୍ଟ ଚାଲଣ କରାଯାଇ ତଦନ୍ତ ଚଳାଇଛି ଅବକାରୀ ବିଭାଗ ।
ଇଟିଭି ଭାରତ, କଟକ
