ଭୁବନେଶ୍ବର: କୋରୋନାରେ ପୁଣି ଜଣେ ସାମ୍ବାଦିକଙ୍କ ଗଲା ଜୀବନ । ଅନୁଗୋଳର ଯୁବ ସାମ୍ବାଦିକ ରଘୁନାଥ ସାହୁଙ୍କ ହୋଇଛି ପରଲୋକ । ମାତ୍ର 29 ବର୍ଷ ବୟସରେ କୋରୋନା ଆକ୍ରାନ୍ତ ହୋଇ ଜୀବନ ହରାଇଛନ୍ତି ରଘୁନାଥ ।
ପ୍ରତିଷ୍ଠିତ ଓଡିଆ ଗଣମାଧ୍ୟମରେ କାର୍ଯ୍ୟ କରୁଥିଲେ ରଘୁନାଥ । କିଛି ଦିନ ତଳେ ସେ କୋରୋନାରେ ସଂକ୍ରମିତ ହୋଇଥିଲା ବେଳେ ଭୁବନେଶ୍ବରର ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଥିଲେ । ଚିକିତ୍ସିତ ଅବସ୍ଥାରେ ଶୁକ୍ରବାର ସେ ପ୍ରାଣ ହରାଇଛନ୍ତି । ତାଙ୍କ ମୃତ୍ୟୁ ନେଇ ଗଣମାଧ୍ୟମ ଜଗତରେ ଶୋକର ଛାୟା ଖେଳିଯାଇଛି ।
ଓଡିଶାରେ କୋଭିଡ-19ର ଦ୍ବିତୀୟ ଲହର ପ୍ରଭାବରେ ଏବେ ସୁଦ୍ଧା ପ୍ରାୟ 33 ଜଣ ସାମ୍ବାଦିକ ପ୍ରାଣ ହରାଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
