ଭୁବନେଶ୍ବର: ପୌର ନିର୍ବାଚନ ପୂର୍ବରୁ ଆରମ୍ଭ ହୋଇଗଲାଣି ବିଜେପି-ବିଜେଡି ବାକଯୁଦ୍ଧ । ଭୋଟ କିଣାବିକା ହେଉଥିବା ବିଜେପି ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ ଅଭିଯୋଗ ଆଣିଥିବାବେଳେ ଜବାବ ରଖିଛନ୍ତି ରାଜ୍ୟ ସରକାରଙ୍କ ମନ୍ତ୍ରୀ ଅଶୋକ ପଣ୍ଡା ।
ମନ୍ତ୍ରୀ ଅଶୋକ ପଣ୍ଡା ଜବାବ ଦେଇ କହିଛନ୍ତି ସାଂସଦ ଅପରାଜିତା ଔଷଧ ବିକଳରେ ତାଟିଆ କାମୁଡୁଛନ୍ତି । ଅଶୋକ କହିଛନ୍ତି ଯେ, ଜିଲ୍ଲା ପରିଷଦ ନିର୍ବାଚନରେ ବିଜେଡି ଆଶାତୀତ ସଫଳତା ଅର୍ଜନ କରିଛି । ବିଜେପି ବିଫଳ ହୋଇଛି । ଏହାକୁ ନେଇ ଅପରାଜିତା ନିରାଶ ହୋଇଛନ୍ତି । ମୁଁ ତାଙ୍କ ହତାଶ ମନୋଭାବକୁ ବୁଝି ପାରୁଛି । ଅପରାଜିତା ଏକ ରାଜନୈତିକ ଦଳରେ ଅଛନ୍ତି । ତେଣୁ ଔଷଧ ବିକଳରେ ତାଟିଆ କାମୁଡୁଛନ୍ତି ବୋଲି ଅଶୋକ କହିଛନ୍ତି ।
ଗତକାଲି(ସୋମବାର) ଅପରାଜିତା ବିଏମସି ପୌର ନିର୍ବାଚନ ଲାଗି ଭୋଟ କିଣାବିକାର ଅଭିଯୋଗ କରିଥିଲେ। ତାଙ୍କ ପାଖରେ ତିନୋଟି ଭିଡିଓ ରେକର୍ଡିଂ ଅଛି ବୋଲି କହିଥିଲେ । ଠିକ ସମୟରେ ଏହାକୁ ପ୍ରକାଶ କରାଯିବ ବୋଲି ସେ କହିଥିଲେ ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
