ଭୁବନେଶ୍ବର: ରାଜ୍ୟ ନିର୍ବାଚନ କମିଶନରଙ୍କୁ ଫେରାଦ ହେଲା କଂଗ୍ରେସ । ରାଜ୍ୟ ନିର୍ବାଚନ କମିଶନଙ୍କୁ ଭେଟିଲା କଂଗ୍ରେସର ପ୍ରତିନିଧି ଦଳ । ଜଗତସିଂପୁର ଢିଙ୍କିଆରେ ନିର୍ବାଚନ ଆଚରଣ ବିଧି ଉଲ୍ଲଘଂନ ଅଭିଯୋଗରେ ଭେଟିଲା ଦଳ । ଶାସକ ଦଳର ଲୋକେ ଭୋଟରଙ୍କୁ ଧମକାଉଛନ୍ତି । ଭୋଟ କେନ୍ଦ୍ରକୁ ଆସିବାକୁ ଦେଉନାହାଁନ୍ତି । ତେଣୁ ଭୋଟରମାନଙ୍କ ନିଜ ଅଞ୍ଚଳରେ ଅର୍ଥାତ ସେହି ଗାଁରେ ମତଦାନ କେନ୍ଦ୍ର ଖୋଲିବାକୁ କଂଗ୍ରେସ ଦାବି କରିଛି ।
ନିର୍ବାଚନ କମିଶନଙ୍କୁ ଭେଟିଲା କଂଗ୍ରେସ
ସେହିପରି ସାମ୍ବାଦିକ ଉପରେ ହେଉଥିବା ଆକ୍ରମଣ ପାଇଁ ଉପଯୁକ୍ତ କାର୍ଯ୍ୟାନୁଷ୍ଠାନ ନିଆଯାଉ । ଭଦ୍ରକ ଚାନ୍ଦବାଲି ଘଟଣାରେ ଜଣେ ବି ଦୋଷୀଙ୍କୁ ଧରା ଯାଇନଥିବାରୁ ତୁରନ୍ତ ସମସ୍ତ ଙ୍କୁ ଧରିବା ପାଇଁ କଂଗ୍ରେସର ଦାବି କରିଛି । ଏହାବାଦ ସାଲେପୁର ବିଇଓ ଶାସକ ଦଳ ପାଇଁ ପ୍ରଚାର କରୁଥିବା ଭିଡିଓ ଭାଇରାଲ ହେଉଥିବାରୁ କଂଗ୍ରେସ ସମ୍ପୃକ୍ତ ବିଇଓଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି କରିଛି ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
